بسم الله الرحمن الرحيم

عوده تانيه مع الكتابين

نتكلم شويه حول تعليقات القراء

انا قولت ان من الافضل اجاوب هنا علشان الكلام ده يهمنى جدا يوصل لكل الناس

بالنسبه للأخوه فهد وفيراس رحبوا جدا بالفكره

وبرضه الاخوه طه ومحمد رحبوا للغايه وان كان فيه تحفظات على السعر هما والاخ الفلسطينى اللى مش كاتب اسمه للأسف

اخر تعليق كان من الاخ اكرم من بنى سويف وانا حاجاوب على حضرتك برد مفصل موجه للجميع برضه

اولا طبعا انا برحب بيك يا استاذ اكرم ونورت المدونه

حضرتك بتقول ان سعر الكتابين جامد اوى على شاب مصرى لسه بيبدأ حياته ومش بيشتغل

فى النقطه دى بالذات عندك حق طبعا وانا مقدرش انكر كده

بس عاوز حضرتك وجميع الناس تعرف حاجه

ان السعر ده اللى انا حددته تم تحديده بناء على عده معايير

تقدر تقول انى قعدت اسبوع افكر فى السعر من جميع الجوانب

يعنى بالنسبه لمعيار المكسب ده مش هدفى الأساسى من الكتابين ومش الدافع الى انى اكتبهم

انا لو عليا كفايه جدا ان كل واحد يتعلم منى حرف انه يدعيلى

المعيار المهم والاساسى المتحكم فى السعر هوه الاسرار التجاريه اللى فى الكتابين بالذات اللى فى الكتاب التانى

الاسرار دى نتاج خبره 3 سنين فى المجال الدعايه والاعلان والطباعه

تخيل ان نقص معلومه صغيره جدا كان بيسببلى خساير بالجمله فى شغلى

ويا ريت حتى المطبعه كانت تقولى قبل ما تبدأ فى طباعه الشغل ان فيه حاجه معينه المفروض كنت اعملها

لا طبعا مكانوش بيقولوا اى حاجه والكلام ده بناء على كل المطابع مش مجرد مطبعه واحده

ليه بيعملوا كده

لان ده شغلهم اللى بقالهم سنين فيه وبالتالى مش حتيجى انت تروح للمطبعه وتقعد تشرحلك تعمل ايه

اساسا معندهومش وقت يقفوا معاك غير انك تديهم شغلك جاهز وعلى الطباعه على طول

يقولك بقى على المعلومه الصغيره دى بعد ما شغلك يتطبع وتلبس تمنه

مره كنت بسأل المطبعجى على معلومه معينه عارفين قالى ايه

قالى استنى عشر سنين وحتعرفها مع الشغل

مع انه ممكن يقولهالى فى دقيقه واحنا واقفين

يبقى بالتالى يوم ما انا اعطى كل خبرتى فى كتاب دى حاجه تخليك تعرف تتكلم مع اى مطبعه ويوم ما تقف معاهم يعرفوا انك فاهم لانهم لو مجرد حسوا انك مش فاهم مش عاوز اقولك حيعملوا معاك ايه

تانى معيار والمهم جدا عندى وهوه انى مش عاوز حد يقرأ الكتب دى غير اللى مهتم بالمجال اوى اوى اوى

كون انك تدفع فى الكتابين ده معناه انك مهتم جدا ولأقصى حد

وده اللى انا عاوزه منك

لأنى عاوز اللى ياخد الكتابين يدرس كل كلمه وكل حرف وباهتمام شديد جدا علشان يقدر يستفاد لاقصى درجه وبالتالى ينجح فى المجال ان شاء الله

لأن نجاحك يهمنى انا اكتر ما يهمك

حضرتك يا استاذ اكرم قولتلى ارجع للوراء عند بدايه عملى فى المجال

انا لو عند بدايه عملى فى المجال وبعد اول خساره ليا بسبب نقص المعلومات ولقيت كتابين فيهم كل المعلومات اللى انا عاوزها فعلا وبكل امانه مش حاتردد انى اشتريهم

برضه مش حنختلف خالص وانا يهمنى فى المقام الاول الاستفاده لجميع المهتمين بالمجال

احب اقول لجميع المهتمين بالكتابين

ان ده الايميل المخصص للكتابين

sales_ebook@hotmail.com

الايميل ده مخصص لتلقى طلبات الشراء عامه

وبرضه مخصص لتلقى اى استفسارات او تحفظات على سعر الكتابين

لطلبات الشراء او اى تحفظات رجاء ارسال رساله على الايميل المذكور

مع العلم انه مش ايميل الماسنجر

ايميل الماسنجر هو

Sherifer921@hotmail.com

تنويه هام : لو حدث واتفقنا على سعر اخر سوف يسرى على الجميع ولن اقوم بعمل اى استثناءات خاصه تجنبا للمشاكل وحتى تكون المعامله واحده بلا تمييز

لوضع تعليق على هذا المقال اضغط هنــــــــــــــــــا

وبالتوفيق للجميع ان شاء الله

والسلام عليكم ورحمه الله وبركاته

2 comments:

  1. saleh on 4 October 2008 at 05:13

    hkبداية المدونة بتاعك دي افادني جدا وملاقيتش الكلام ده الا في المدونة بتاعتك
    وبالنسبة للكتابين مقدرش اقولك انك تقلل سعرهم لأن ده حقك وانت تعبت فيهم
    وسعرهم بالنسبة للفائده منهم مش غاليين
    بس المشكله ان الواحد ميقدرش يشتري كتابين بالتمن ده
    والمشكله التانيه انا بره مصر ولو عايز اشتري الكتابين دول اشتريهم ازاي
    وكمان عايز اعرف انت يعني كده هاتبطل تكتب مقالات عن الدعايه والاعلان علشان الكتابين
    ولا هاتستمر فى المدونه وفي التعليم

    وشكرا

     
  2. Sherifer921 on 4 October 2008 at 08:50

    اهلا بيك يا استاذ صالح
    بالنسبه لاخر جزء من تعليقك انا عمرى ما حبطل اكتب مقالات خالص فى جميع الاحوال
    وبالنسبه للسعر قولت ان اى حد لو عنده تحفظات يبعتلى على الايميل المخصص للشراء وربنا يسهل ونوصل كلنا لحل ان شاء الله