افكار للدعاية والاعلان
السلام عليكم ورحمه الله وبركاته

طبعا المدونة دى مش مدونتى لوحدى لأ دى بتاعتنا كلنا فبالتالى لازم كلنا نتشارك فى كل

حاجه ولا انتوا ايه رأيكم؟؟؟

طب ايه رأيكم ندردش شويه ونتكلم عن طموحاتنا فى مجال الدعاية والاعلان

طبعا كل واحد فيكم طالما جه هنا ونورنى يبقى مهتم بمجال الدعاية والاعلان فبالتالى أكيد

ليه طموحات معينة فى المجال الجميل اوى ده

طب ما تيجوا نتكلم شويه ونشوف ايه طموحات كل واحد فينا

ممكن نقدر نساعد بعض على قد ما نقدر

ممكن نطلع بأفكار كويسة وجديدة

ممكن ده يبقى تشجيع للبعض فى انه ينفذ فكرته اللى هوه خايف ينفذها

وهكذا ممكن نطلع بفوائد كتيرة جدا

انا عن نفسى سبق وقولت فكرتى وهيا انى عاوز اعمل موقع على الانترنت اجيب فيه كل

خبراء الدعاية والاعلان اللى اقدر اجيبهم ونعمل فريق عمل كبير وسلسله دروس

ويبقى فيه متابعة دايمه

يا ترى انتوا كمان ايه افكاركم

للتعليق على الموضوع اضغط هنـــــا

واكتب تعليقك عادى ومش شرط تكون مشترك لا فى جوجل ولا فى ياهو ولا اى حاجه

علشان تقدر تعلق براحتك

مستنى افكاركم وطموحاتكم

ادخل الى موقعى
http://adv-academy.com/2008/10/%D8%A7%D9%81%D9%83%D8%A7%D8%B1-%D9%84%D9%84%D8%AF%D8%B9%D8%A7%D9%8A%D8%A9-%D9%88%D8%A7%D9%84%D8%A7%D8%B9%D9%84%D8%A7%D9%86/

47 comments:

  1. Mohamed on 18 October 2008 10:22

    الفكره هايله جدا وياريت الناس كلها تشارك فى الموضوع ده واللى عنده خبره اكتر فى مجال الدعايه والاعلان يعرضها علشان المبتدئين الاخرين يستفيدو منها وانا واحد من الناس المبتدذين فى مجال التصميم والدعايه ومحتاج افكار وموضوعات وحلول من المحترفين ذو الخبره ولو لقيت عندى فكره جديده اكيد هطرحها عليكم وشكرا لكل من طرح رأيه وافكاره ليستفاد الجميع.MicroBesT

     
  2. Anonymous on 18 October 2008 18:34

    انا بحب جداً مجال الدعاية والاعلان وللأسف لسه بشتغل فيه كهاوى بعمل شغل من وقت للتانى على قدى يعنى لكن نفسى انى اتقن مجال التصميم مش التصميم التجارى بس لا والتصميمات الفنية كمان وعايز نصيحتكم ابدأ منين وازالى عندك ياسى شريف الحل؟

     
  3. alfanan on 18 October 2008 18:36

    انا بحب جداً مجال الدعاية والاعلان وللأسف لسه بشتغل فيه كهاوى بعمل شغل من وقت للتانى على قدى يعنى لكن نفسى انى اتقن مجال التصميم مش التصميم التجارى بس لا والتصميمات الفنية كمان وعايز نصيحتكم ابدأ منين وازالى عندك ياسى شريف الحل؟

     
  4. Sherifer921 on 19 October 2008 02:25

    اهلا يا فنان
    بص يا ريس
    فيه نقطه انا دايما بحب اوضحها علشان فيه كتير من الناس متلخبطين فيها
    كذا واحد يسالنى عن الفرق بين التصميم الفنى والتصميم التجارى
    مفيش حاجه اسمها فرق بين التصميم الفنى وبين التصميم التجارى لان التصميم التجارى هوه فى الاساس تصميم فنى
    لكن فيه حاجه اسمها الفرق بين التصميم الدعائى التجارى وبين التصميم فى البيت
    مش علشان التصميم الدعائى بيسمى بالتصميم التجارى يبقى قصدهم انه اى كلام فى اى كلام وانه مش فنى
    بالعكس تماما
    التصميم الدعائى التجارى انت لازم تراعى فيه الجمال والذوق وبتبتكر ابعاد تانيه لعمليه التصميم وانه يكون مش مجرد تصميم وكل ده علشان ده تصميم للترويج عن منتج او خدمه والعميل بيدفع فى سيبل الحصول عليه مبالغ طائله وبتقوم بسببه شركات متخصصه بميزانيات كبيره
    هوه ده التصميم الدعائى التجارى
    مفيش اى فرق بينه وبين التصميم الفنى غير ان التصميم التجارى احسن من الفنى
    اوعى تستغرب من الكلمه لا ده احسن من الفنى فعلا
    لانك فيه بتراعى حاجات تانيه غير الفن بس

     
  5. Anonymous on 21 October 2008 13:22

    أنا مصصممة جرافيك ومتخرجة من كلية فنون تطبيقية قسم إعلان وطموحاتى كبيرة بهذا المجال وأتمنى أجد من يساعدنى فى معرفة كيفية عمل مكتب خاص بى
    وإيه الخطوات السابقة لذلك

     
  6. Sherifer921 on 21 October 2008 13:37

    جميل جدا ان دراستك كانت الاعلان
    والتجهيز لمكتب خاص وبناءه بناء سليم طبعا
    بيتطب مجموعه من الخطوات وان شاء الله حاعمل
    موضوع جديد عن الخطوات دى لأن كمان فيه ناس
    كتير هنا سألتنى نفس السؤال ويظهر انه مطلب
    عام
    ونورتى المدونه

     
  7. Le_Roi1979 on 27 October 2008 13:57

    عزيزي الأستاذ شريف،
    السلام عليكم ورحمة الله وبركاته
    أنا محمود من القاهرة وأعمل كمدرس لغة فرنسية ونويت إن شاء الله تعالى عمل شركة صغيرة للدعاية والإعلان وذلك بمشاركة صديق لى ذو خبرة في مجال الفوتوشوب. ولكن ما أحتاجه في تلك الفترة هو عمل دراسة جدوى للمشروع ومعرفة أماكن التنفيذ ( طباعة ورقية - يفط كمبيوتر - يفط معدن - ... إلخ )
    لذا أرجو من حضرتك إمدادي بالمعلومات اللازمة إن أمكن ولكم جزيل الشكر.
    le_roi1979@yahoo.com

     
  8. Sherifer921 on 28 October 2008 01:59

    اهلا يا استاذ محمود
    بالنسبه لفتح مكتب دعايه واعلان سأوافيك غدا بكل التفاصيل ان شاء الله
    ونورتنى

     
  9. Anonymous on 2 November 2008 11:53

    انا موافقه جدا ممكن اكون من خبيره اوي مش حد ذو خبره بس انا حابه اشترك معاكو انا لسه في كليه الاعلان بس بهتم اوي بالمواضيع دي ممكن تقبلوني صديقه معاكو

     
  10. Anonymous on 14 December 2008 02:52

    انا مبسوط جدا ان اكون عضو فى المدونة
    اسمى مينا
    هاوى فتوشوب
    شغال فى مكتب دعاية من وقت للتانى
    حسب الشغل
    كنت عايز
    الاسس التى اضع عليها خطواتى للاحتراف

     
  11. Anonymous on 14 December 2008 02:53

    للمراسلة
    menanassif@hotmail.com

     
  12. Sherifer921 on 15 December 2008 03:18

    اهلا مينا
    كويس انك شغال فى مكتب علشان تاخد حساسية الشغل
    بالنسبة للاسس اللى عاوزها كل اللى اقدر اقولهولك انك لازم تطبق كتير وفى نفس الوقت تتابع تصميمات المحترفين
    واى استفسار منك فى اى حاجه فى المجال يسعدنى اجاوبك عليه

     
  13. Anonymous on 28 December 2008 02:02

    شكرا ياشريف للرد

    كيف اتابع تصميمات المحترفين ؟؟

    وانا متشكر جدا
    ان لقيت حد يرد عليا
    ومين مدير الموقع
    والاقى مدونة تخدم المجال دة

     
  14. Anonymous on 28 December 2008 02:04

    ممكن ايميالك ياشريف

     
  15. Sherifer921 on 28 December 2008 04:52

    تصميمات المحترفين فى كل حته على النت خصوصا المواقع الاجنبيه
    بالنسبه لايميلى هوه موجود فى البروفايل الخاص بيا هنا
    عموما حكتبهولك برضه
    sherifer921@hotmail.com

     
  16. Anonymous on 6 January 2009 02:43

    استاذي الفاضل شريف
    السلام عليكم ورحمة الله وبركاته
    دخلت في مجال الدعاية والاعلان من سنه تقريبا
    عملت مكتب وجبت اجهزه علي اعلي مستوي وجبت مصممين كويسين والمكتب في منطقة كويسه في اسكندريه علي شارع بور سعيد بس يا استاذ شريف لغيت دلوقت وانا بحط من جيبي أه والله.
    ما بين مصاريف دعاية وما بين أخطاء فترة البداية وما بين مرتبات عمالة خاصة اني موصلت لافضلهم بسهوله دنا شغلت كتير اوي اوي لغيت مخترت منهم الكويسين فدا كلفني كتير اوي ووصل حجم المكتب دلوقت لممصممه واحده بس محترفة وسكرتيرة وساعي داخلي وخارجي ورغم ذالك يا صحبي وبالذات في اليومين دول مبنغطيش مصارفنا من ايجار وتليفونات ومرتبات برده بحط من جيبي.
    فانت ايه رأيك في امل؟

     
  17. Sherifer921 on 6 January 2009 06:24

    والله الامل موجود برضه
    انت مكتبك فى حته كويسه بس انت زى ما قولت عملت اخطاء فى البداية ودى اللى اثرت فى بقية المسيرة وزودت التكاليف على الفاضى
    اول نصيحه اقدمهالك هيا انك تجيب مندوبين كتير ينزلوا يجيبوا كروت شخصية
    تانى نصيحه ابعد عن الزبون المعووج اللى شايف نفسه وفاكر ان شغله حيكسبك ملايين فى حين انه طالب كميات هبله
    حيضيع وقتك ومجهودك على الفاضى
    وده ليه فايدتين
    اول فايده انك حتوفر وقتك ومجهودك فى البحث عن عميل احسن بياما
    تانى فايده انه حيروح للمكاتب والشركات المنافسه يضيع وقتهم d:
    يعنى انت المستفاد
    القاعده دى انا استوعبتها متأخر شويه فى مجال الدعايه ولو كنت مستوعبها من الاول كان زمانى عامل ملايين دلوقتى
    لان انا فى الاول قولت طب وانا عندى يعنى كام عميل علشان ارمى العملاء المتعبين وان الواحد لازم يتعب ويستحمل قرفهم
    لكن بشويه تفكير وحسابات بالورقه والقلم لقيت ان النوع ده تضييع وقت فعلا
    مش معقوله يعنى عميل جاى وعاوز الف كارت والف فلاير لون واحد وفاكر نفسه جايبلى شغل وجاى معووج ومش عاجبه حاجه اقوم انا مهتم بيه
    بصراحه النوع ده باديله بالجزمه وبرميه وساعتها بيعرف قيمته ف يا اما بيتمسك بيا وساعتها بعمله الشغل بشروطى يا اما بيروح لمكاتب تانيه وده فى مصلحتى برضه زى ما قولتلك انه يضيع وقتهم
    انا بقولك دلوقتى تهتم شويه بسوق الكروت رغم انه سوق مقرف ومليان منافسين والزباين اصحاب محلات وانا شخصيا بطلت اشتغل فيه بس بصراحه برضه انا فى يدايتى معملتش فلوس غير منه والفلوس دى هيا اللى خليتنى اقف على رجلى
    حاليا فى شهر يناير حتلاقى الشغل نايم شويه لان خلاص كله عمل شغل راس السنه واصلا سوق كل حاجه نايم دلوقتى مش الدعاية بس فبالتالى تقضيها كروت
    انت لو كنت وجهت جهدك اللى فى الاول ده فى انتقاء مندوبين بدل انتقاء المصممين وكنت حصلت على خمس مندوبين بس شغالين تمام كان زمانهم مشلغين لك المكتب خصوصا ان مفيش مندوبين دلوقتى فى السوق فى فتره الشتا بالذات
    عموما انا باتابع هنا دايما ولو ليك اى استفسار او رأى فى حاجه قوله
    وفى انتظار اخبار كويسه عنك

     
  18. Anonymous on 19 February 2009 11:12

    استاذي
    انا كان عندي استفسار في موضوع يخص التصميم والطباعة في الدعاية والإعلان

    الي شغال على مكنة الطباعة كل شوية يقولي متعمليش مساحة الوان سادة في التصميم
    يعني مثلا لما بصمم يافطة اعلانية بحب اعمل احيانا شغل هادي يبين جمال التصميم بحتاج اني اعمل تدرج مثلا تدرج في لون واحد ما بين اغامق والفاتح
    هو مش عايزني اعمل الحكاية دي
    فا أنا كنت عايز اسال ان كان الموضوع ده مش مستحب في التصميم والدعاية والاعلان او عيب مكنة او عيب الي بيطبع مش فاهم مكنته

     
  19. Sherifer921 on 19 February 2009 11:49

    اهلا بيك اول
    بالنسبة لليفط الاعلانية العيب من الراجل ده
    يا اما مش عارف يستخدم المكنه والاحبار
    يا اما المكنه اصلا قديمة ومهلوكة
    لان مفيش الكلام ده خالص
    انا بتعامل مع شركة كبيرة فى المجال ده وعمرها ما قالتلى كده بتاتا ولا عمر حد من معارفى اصحاب شركات الدعاية قابلته مشكله زى دى قبل كده
    تقريبا الراجل ده مش عاوز لون من التلت الوان تخلص اسرع من التانى يا اما المكنه بتعمل بقع معاه لانها قديمه يا اما زى ما قولتلك هوه ملهوش فيها اساسا
    نصيحه منى تعامل مع حد تانى احسن

     
  20. Anonymous on 15 March 2009 13:23

    انا بعمل فى مكتب صغير بتاع خالى للدعاية والاعلان وهو متخصص فى التصميم والمطبوعات والمعارض ال booth وشغلى معاه فى تسويق منتجات مكتبنا فعايز اعرف ايه هى الحاجات اللى ممكن تفيدنى عشان انا لسة جديد؟؟

     
  21. Anonymous on 19 March 2009 18:21

    مرحبا وكيفكم انا فتحت مشروع دعاية وعلان وانا ما عندي حتى خبرة فيها
    ولكن درست المشروع وهو غير مكلف وتجرأت وفتحت ما كنت احلم به
    وانا الأن صاحب شركة دعاية واعلان بالأردن واسمها مستقبل العالم الواسع
    طبعا احب اطمنكم انها كتير سهلة بس اهم شي يكون عندك روح الادراة والمسؤولية وبعدا راح يكون كل شي سهل
    انا فتحت مكتب عبارة عن 3 غرف وغرفة استقبال
    وفرشته من الفرش الراقي وبالتقسيط
    ووظفت جرافيك ديزاينر عدد 2 و تطوير html عدد واحد
    وموظفة استقبال
    و 20 مندوب موزعين عن طريق التلي ماركت متل ما انتم عارفين
    اهم شي بشغلنا خطط التسويق لازم تصنع خطة جديدة ومبتكرة بحيث تستهدف العميل
    وانا هيك عملت وانجحت وبتمنالكم النجاح
    وشكرا

     
  22. islam mohamed naguib on 6 April 2009 15:12

    بسم الله الرحمن الرحيم
    السلام عليكم أستاذ شريف
    أنا ديزاينر في شركة طباعة رقمية بتشتغل في اليفط بس
    بس الحمد لله اقدر اصمم اي شيء يتعلق بالدعاية والاعلان سواء كان يفط او كروت او بروشورات او فلاير ..إلخ

    والحمد لله شايف نفسي متمكن من شغلي
    بس حاسس نفسي بقالي فترة مستوايا توقف عند حد معين من الممكن انه يكون بسبب قلة حجم الشغل نوعا ما او لخنقة العملاء

    فياريت لو تقدر تنصحني ازود نفسي ازاي علماً بأني بتابع اغلبية الجديد على النت وبحاول اتابع اي دروس جديدة في الفوتوشوب عموما

    واذا احتاج اي مكتب او شركة دعاية لديزاينر فأنا موجود لأني عاوز استذيد اكتر واعتقد ان المكان اللي انا فيه مش هيكون فيه تقدم اكتر من كده لأنه شغله محدود الى حد ما ومش في القاهره

    إسلام محمد نجيب

    للتواصل
    loma014@yahoo.com
    0183880312

    السلام عليكم ورحمة الله وبركاته

     
  23. Anonymous on 6 April 2009 16:29

    انت رائعا جد انا مليش في العاية والاعلان بصورة حرفية او ممارسة او دراسة انا خلصت ثانوية العامة ومتوفقتش في الدراسة الجامعية ولا لقيت فرصة عمل فعملت مشروع صغير زي بيع ممنتجات تجميل وكان صعب اني اتعامل مع الناس فلقيت ان الدعاية شي اساسي في النجاح بس طبعا معنديش اي امكنيات اني اتوجه لأي مكاتب الأعلانات فعملت بروشر كان عادي وبعدها طورت باجمل وكمان البزنس كارت وبجد حبيت مشروع الدعاية والاعلان جدا ونفسي ادرسه يوم من الأيام فكرتي انه يكون هناك شات كتابي يكون ملتقى لكل الخبراء والهاوين ينقلوا تجاربهم ويناقشوا الشباب والهاوين بجد انا في بدايتي كنت ابحث عن اهل العلم بس مكنتش اوصل بسهولة ومكنتش اوصل من اساسه اسفة على الأطالة
    سعادة كل يوم

     
  24. Anonymous on 6 April 2009 16:29

    انت رائعا جد انا مليش في العاية والاعلان بصورة حرفية او ممارسة او دراسة انا خلصت ثانوية العامة ومتوفقتش في الدراسة الجامعية ولا لقيت فرصة عمل فعملت مشروع صغير زي بيع ممنتجات تجميل وكان صعب اني اتعامل مع الناس فلقيت ان الدعاية شي اساسي في النجاح بس طبعا معنديش اي امكنيات اني اتوجه لأي مكاتب الأعلانات فعملت بروشر كان عادي وبعدها طورت باجمل وكمان البزنس كارت وبجد حبيت مشروع الدعاية والاعلان جدا ونفسي ادرسه يوم من الأيام فكرتي انه يكون هناك شات كتابي يكون ملتقى لكل الخبراء والهاوين ينقلوا تجاربهم ويناقشوا الشباب والهاوين بجد انا في بدايتي كنت ابحث عن اهل العلم بس مكنتش اوصل بسهولة ومكنتش اوصل من اساسه اسفة على الأطالة
    سعادة كل يوم

     
  25. مينا on 10 April 2009 10:52

    انا اسمى مايكل وعندى مكان موقع متنيز وامكانيات وبحب جدا مجال الدعايه والاعلان واريد البدء وحابب لو فيه شخص يحي مشاركتى بالخبره اكون شاكر ونعمل شركه دعايه واعلان وتكبر مع الوقت ده الايميل بتاعى
    mina_media_2009@yahoo.com

     
  26. Anonymous on 1 May 2009 04:23

    الموضوع هايل يا شريف فكرة تجميع الخبرات وتبادلها فى مجال الدعاية والاعلان فكرة جامدة اوى وان شاء الله تتحقق وانا معاك ان مفيش حاجة اسمها الفرق بين تصميم فنى وتصميم تجارى لكن فيه تصميم بتعملوا فى البيت والتصميم الدعائى التجارى
    على فكرة المفروض انى مصممة فوتوشوب مبتدئة صممت حاجات كتير محدش شافهايفط كروت بروشورات عشان ادرب نفسى يعنى بس عايزة اقولك حاجة كل ما آجى اشتغل فى مكان لازم يطلب خبرة طب بالذمة اجيبهالهم منين مش لازم اشتغل الأول عشان ابقى خبيرة

     
  27. Anonymous on 8 June 2009 20:15

    اخي الكريم قد تم طرح الفكرة في موقع اسمه عصرية للإعلان

    وقدمو دورة كاملة في الدعاية والاعلان

    وطرحو اسطوانة تعليمية مجانا

    في ورشهم الخاصة لتعليم المبتدئين هذا المجال
    وهذا رابطهم
    http://www.asriacom.com/vb/index.php

     
  28. Anonymous on 17 July 2009 21:04

    انا عندى خبره كويسه تقريبا فى التنفيذ بس معنديش خبره فى التسويق
    انا بالفعل اخذت مكان صغير بس لسه ما ابتديتش فى حاجه
    لو عندك اقنراح اكون شاكر
    انا ممكن اساعد فى اى حاجه
    وشريك فى مطبعه
    abady_13@yahoo.com
    اشكرك

     
  29. محمد on 17 July 2009 21:04

    انا عندى خبره كويسه تقريبا فى التنفيذ بس معنديش خبره فى التسويق
    انا بالفعل اخذت مكان صغير بس لسه ما ابتديتش فى حاجه
    لو عندك اقنراح اكون شاكر
    انا ممكن اساعد فى اى حاجه
    وشريك فى مطبعه
    abady_13@yahoo.com
    اشكرك

     
  30. ابو تركي on 28 September 2009 11:21

    مشكور على الاقتراح الرائع الذي ينم عن مدى حرصك على الخروج بالفائده من خلال دائرة النقاش وانا احب الانتماء إلى هذا العالم من الفن والابداع والذي قد اجد فيه خطوات النجاح التي اتمناه والتي قد تعود بفوائد جمه واكتساب الخبرات في هذا المجال .

     
  31. manama on 3 November 2009 01:44

    السلام
    اني حابة اسوي دعاية لمشروع(تربوي) ابي اعلن عنه
    سويت مطويات واعلانات(ملصقات)و محاضرات تعريفية وكلندر احد عنده افكار واتكون غير مكلفة

     
  32. RETAG on 2 May 2010 02:19

    انا نونة نفسى اعرف كيف اعمل دعايه لمكتبى لانا واصحبى لسه فتحينه وكيفه اقنع الناس انا كل البيجى بيسأل عن الاسعار علشان يقارن بنا وبين غرنا وكيف اتعامل مع اماكن مشهورة ومعروفة وهما عندهم ناس بيتعملو ا معهم

     
  33. Anonymous on 27 May 2010 01:51

    انا عندي اعلان اسوي اعلان يعني ولازم اسوي شريحة مستهدفه في الاعلان نفسه فـ لو سمحتو احد يعرض علينا اعلان شي نسويه او فكره و بكون في جزيل الشكر وهذا ايميلي
    a.507@windowslive.com

     
  34. Anonymous on 21 July 2010 07:23

    السلام عليكم عندى فكرة جميله ف مجال الدعاية على الانترنت لكن مش عارف ابعتها لمين وازاى
    لانها لازم تكون شركة كبيرة
    زى جوجل مثلا
    او
    حتى شركة برمجة صغيرة ممكن تستغل الفكرادى
    دا بالنسبة لفكرتى
    اما التانية دى فلشخص اخر مقابل وساطة
    أملك فكرة مشروع تدر الملااايين وناجحة مليون بالمائة بشهادة خبراء بريطانيين درسو الفكرة وأكدوا نجاحها...
    والمشروع عبارة عن أفكار تطويرية وذلك من خلال تصميم برنامج لخدمات الإعلان في مجال الاتصالات عن طريق الجوال (sms وmms)
    تكلفة المشروع لاتزيد عن 5 مليون ريال
    وعائدة المتوقع في السعودية لا يقل عن 20 مليون ريال شهري كأقل حد وقد تصل إلى 60 مليون ريال بدون مبالغة.... و240 مليون سنويا وبشكل متزايد
    أما اذا تم تشغيل الخدمة على مستوى العالم فستحقق دخلا لا يقل عن مليـــــاااااار دولار شهريا كأدنى حد, أي 12 ملياااار دولار بالسنة

    الفكرة معروضة للبيع إما لشخص واحد بالتنازل الكامل له وبمبلغ يتفق عليه....( كبير )
    أو لشخص واحد لكل دولة والمبلغ حسب عدد عملاء شركات الاتصالات بدولته...

    هذا العرض للجادين فقط ..
    وبانتظار العروض الجادة على الايميل التال
    _____________
    اميلى hany_wel@yahoo
    يريد لو حد يقدر يفيدنا

     
  35. Anonymous on 3 September 2010 14:28

    تحياتي
    الفكرة مميزة
    انا معكم

     
  36. Essamtpp on 20 February 2011 08:10

    الفكره دى اكتر من رائعه وانا عن نفسى كنت بدور على حد اشارك معاه بافكارى ويشاركنى بفكره واناسعيد جدا اني اقدر اضم اليكم

     
  37. Anonymous on 12 April 2011 09:34

    الفكرة حلوي اكتير ممكن الجميع يفيد ويستفيد وجزاكم خير

     
  38. Alaa on 18 May 2011 11:33

    السلام عليكم ورحمة الله وبركاته
    أولًا جزاكم الله خيرًا على فتح المجال للإستفادة من خبراتكم ...
    ثانيًا : أنا أعمل فى مجال الداعية والإعلان منذ فترة قصيرة وخبرتى فيه محدودة ولكنى أسعى لتطوير نفسى في هذا المجال ؛ وكان عرض على من صاحب شركة أن أتولى الإشراف على قسم دعاية وإعلان فيها ... فكنت أريد منكم أهم عناصر الدعاية والإعلان وكيفية عمل بحث حول هذا الموضوع يتضمن خصائص المشروع ومقوماته .
    ملاحظة : أنا حاليًا أعمل فى مجال تصميم وعمل اللافتات فقط ؛ فكيف لى تطوير نفسى فى هذا المجال ليتسع نطاق عملى وإنتاجى فيه ؟
    وجزاكم الله خيرًا

     
  39. Anonymous on 11 October 2011 21:22

    انا نفسي استغل الطباعه في اعمال الديكور. الستائر تكون بنفس شكل المخدات او اي مفروشات او ورق حائط او استيكرات فينيل او علي السيراميك او ساعات مودرن الحائط بنفس التصميم ياريت افكاركم وعاوزه دراسه جدوي او حتي معلومات عن الات الطباعه المستخدمه وهل المشروع مربح وشكرا

     
  40. mohammed bakr on 18 November 2011 13:56

    انا نفسى اشتغل فى مجال الدعايه والاعلان بس مش عارف ابدا منين

     
  41. Anonymous on 13 December 2011 13:13

    السلام عليكم ورحمة الله
    والله اخي الكريم مش عارف اشكرك ازاي نورت طريقي انا اخوك عامر من المغرب عملت مكتب دعاية واعلان وكنت تايه بس لما شفت الى انت كتبو فرحت كثير و الحمد لله اخدت فكرة وانا معاكم ديما ان شاء اله
    وانا معاك مع فكرة موقع خاص ونعمل جروب يكون مشترك الافكار

     
  42. Anonymous on 25 December 2011 15:03

    انا مبتدأ ف المجال والفكره دى جميله جدا بس بالنسبه ليه كبيره عليا انا عاوز حاجه تخلينى احترف الفوتوشوب اولا

     
  43. Anonymous on 21 February 2012 17:33

    يا جماعة الخير لو حد عنده فكره جديده فى الدعايه و ادوات الدعايه ياريت يقولها مش قصدى فى التصميم و لكن نوع الدعايه نفسها غير الأقلام و البنرات و الحاجات دى تكون حاجه جديده و غير اعلانات الطرق بكل اشكالها يعنى تكون حاجه و ياريت حد من اللى فى الدول العربيه او الأجنبيه يقولنا اللى عنده اكيد احنا مش هنعرفه

     
  44. sameh art print on 7 April 2012 07:12

    انا بحب هذا المجال واتعلمته كويس جدا لان اشتغلت به\ا المجال حوالي 10 سنين واصبح ليا عملاء كثيرون بفضل الله والان بفكر ان استقل مع نفسي بعمل شركة دعاية واعلان

     
  45. Anonymous on 30 May 2012 13:48

    مساء الخير
    انا صاحب شركتين خدماتية وجربت كثير من أنواع الدعاية ولكل منها فايدة وعيوب
    سعيد أن اكون معكم
    الدعاية روح البزنز وهواه اللي يتنفس به لاكنها لابد تكون مدروسة ومستمرة والا كانت نار راجعه على البزنز

     
  46. eshraqat on 30 May 2012 13:53

    هذا عنوان شركتي
    للتواصل
    eshraqat@hotmail.com

     
  47. eshraqat on 30 May 2012 13:55

    http://www.eshraqatt.com/

    اسف على التكرار
    مستخدم جديد