السلام عليكم ورحمه الله وبركاته

بسم الله الرحمن الرحيم

اخوانى الاعزاء

قررت اليوم ان اطرح كتاب واحد وليس كتابين وهو كتاب ( فن الدعايه ) الجزء الاول الخاص بعالم التصميم الدعائى وده علشان أركز أكتر بكتير فى كتابته لأننى فى الكتاب ده زى ما انا قولت قبل كده إنى باتعامل معاك من الصفر
يعنى باخدك من وانت لسه متعلم الفوتوشوب امبارح لحد ما أحطك على طريق الاحتراف ان شاء الله فبالتالى ده محتاج مجهود كبير جدا منى وتركيز شديد علشان كده قررت انى اطرح الاول الكتاب ده والكتاب التانى ان شاء الله سيتم طرحه بعد مده من طرح الكتاب الاول وده برضه فى صالحكم بحيث تكونوا درستوا الكتاب الاول كويس جدا وعملتوا تطبيقات كتير ووصلتوا لمرحله الاحتراف
موعد اطلاق الكتاب سيكون يوم 15 اكتوبر ان شاء الله وفيه كمان هدايا اضافيه على الكتاب غير الهدايا اللى انا ذكرتها والغرض من كل الهدايا اللى بهديها على الكتاب هوه تقويه قدراتك فى التصميم وتحكمك فى الفوتوشوب لاقصى درجه
فيه ملحوظه هامه احب اذكرها وسبب انى عاوز اقولها هو متابعتى لبعض المصممين المبتدئين
الملحوظه دى : ان الكتاب ده مش مفيد اذا قمتم بامتلاكه ثم اهملتم التطبيق
وباكررها تانى ان الكتاب مش مفيد لو امتلكتوه ثم اهملتم التطبيق
فاذا كنتوا مش عاوزين تطبقوا فبلاش تضيعوا فلوسكم
كتابى انا عملته بحيث انك تتحرك على خطوات مدروسه جدا وهى
تعلم كل مرحله انا شرحتها فى الكتاب ثم قم بالتطبيق فتكسب الخبره
ثم تعلم المرحله التاليه التى اقوم بشرحها فى الكتاب ثم طبقها فتكسب خبره اضافيه
وهكذا حتى تنتهى من تعلم وتطبيق جميع المراحل المشروحه فى الكتاب فتكسب الخبره الكليه فى النهايه وبالتالى الاحتراف
فهذا الكتاب ليس له فائده بدون تطبيقك
انا فى الكتاب ده باشرحلك الخطوات العمليه المدروسه اللى لازم تمشى عليها خطوه خطوه
ولو اهملت خطوه يبقى كده حيبقى عندك نقص
كتابى عباره عن كورس تدريبى شامل لازم تمشى معاه وتطبق ما ورد به فى كل مرحله حتى تصل اليك الاستفاده الكامله من الكتاب ان شاء الله
انظرونى فى معادنا يوم 15 اكتوبر ان شاء الله
وللحجز وطلبات الشراء ارسل رساله على الايميل التالى
Sales_ebook@hotmail.com
للتعليق هنا فى المدونه اضغط هنــــــا
ودمتم كما تحبون

14 comments:

  1. Anonymous on 8 October 2008 at 22:00

    السلام عليكم
    اود الاستفسار عن ماكينات الطباعة علي التي شيرت والمجات اسعارها وانواعها ومكان بيعها معلومات تفصيلية عنها ان امكن وافضل الانواع الي ممكن ابدأ بيها مشروعي ولك جزيل الشكر

     
  2. Sherifer921 on 9 October 2008 at 05:03

    اهلا اخى
    راسلنى اخى على ايميلى محددا الميزانيه المبدأيه لك
    لان ماكينات طباعه التى شيرتات والمجات انواع كتير
    وشكرا

     
  3. Anonymous on 9 October 2008 at 11:38

    يااخي الفاضل انا زينب الغزالي من منتدي الربح من الانترت من موقع الديفيدي انا كنت سألتك قبل كدا عن طريقة ترك تعليق في مدونتك وانتا رديت علي انا كنت اريد من حضرتك لو تكرمت انك لو تقدر تقدم لي قائمة بافضل الانواع لماكينات الطباعة ومن اين اشتريها واسعارها انا انا كل ماأراسل حد يقولي الميزانية دكتور سعيد توفيق في برنامجه علي قناه الناس بردوا قالي كدا انا بس عاوزة اعرف تفاصيل اكتر عن الماكينات دي لانه انا مابعرف غير ماكينة الطباعة علي الورق وبشتغل عليها حاليا اما التي شيرت والمجات انا اريد ان ابدأ بالفكرة بعد مااعرف كل الاخبار عن المكنتين دول ومعذرة للاطالة ومنتظرة الرد الله يكرمك

     
  4. Sherifer921 on 9 October 2008 at 12:24

    ايوه افتكرت حضرتك
    هوه بالنسبه لطباعه التى شيرتات والمجات ليها كذا سكه
    انا شخصيا اول ما بدأت
    كنت باستخدم طريقه بدائيه جدا بس كانت فعاله وهيا عباره عن برنتر من النوع القديم وبيتجاب ليها ورق خاص بيتطبع عليه بتركيز وبعد كده بيتحط على التى شيرت ويتشال تلاقى الطبعه
    طبعا دى طريقه بدائيه للغايه والطبعه كانت بتروح من بعد غسلتين بس كانت اياميها طفره تكنولوجيه هههههه
    دلوقتى فيه واحد صاحبى كان فى الامارات جه ومعاه مكنه جديده جدا بتطبع على التى شيرتات بكل بساطه وفى ثوانى وانا مسألتهوش قبل كده على تمنها بس المتوقع ان تمنها مش بسيط خالص بس هيا فكره عملهم عامه بتعتمد على الكبس
    ان التى شيرت بيتكبس على المكنه فتلاقى الطبعه عليه وكل مكنه بتختلف جودتها على حسب نوع الحبر ودرجه الكبس دى
    بس على فكره المجال ده حاليا مش كويس الا فى الصيف او لو مسكتى توريد لمحل كبير

     
  5. S a j y a h on 10 October 2008 at 00:42

    ماشاء الله تبارك الله جدا جميل موضوع المدونه

    عن الدعايه والاعلان وكيفية تصميمهما

    وهذا هو مجالي


    سأستفيد من مدونتكم بإذن الله

    فلك الشكر

     
  6. Sherifer921 on 10 October 2008 at 02:58

    مرحبا بك فى المدونه اخى العزيز
    واعتبر نفسك كأنك فى بيتك

     
  7. SOUMIA85 on 6 March 2012 at 12:20

    مساء الخير، أتمنى ام تفيدوني بكل البرنامج التي يحتاجها الشخص الذي يريد فتح وكالة دعاية واعلان

     
  8. Anonymous on 24 July 2012 at 12:24

    ممكن اعرف هو الكتاب بكام ونزل فى الاسواق ولا لاء بليز ساعدونى انا بحب مجال الاعلان جداااا ونفسى اشتغل مصممة اعلانات ممكن حد يقولى الكتاب بكام واشتريه منين

     
  9. Anonymous on 24 July 2012 at 12:27

    انا مش عارفه ايه الخطوات اللى ممكن اعملها وانا مش دارسه فوتوشوب بس عايزه اعرف هو لازم اكون خريجة كليه زى فنون جميله مثلا هو ده شرط اساسى ولا ممكن اخد كورسات واعلم نفسى والمفروض اعمل ايه وابتدى ازاى بليز ممكن حد يقولى

     
  10. ahmed mosa on 3 October 2013 at 06:31

    فين ارقام صاحب الكتاب علشان عاوز الكتاب ؟!

     
  11. Unknown on 13 October 2013 at 05:32

    لو تكرمتم عايز رقم تليفون صاحب الكتاب عشان عايز اشترى نسخة وشكرا جزيلا

     
  12. Unknown on 13 October 2013 at 05:33

    لو تكرمتم عايز رقم تليفون صاحب الكتاب عشان عايز اشترى نسخة وشكرا جزيلا

     
  13. Unknown on 24 August 2019 at 16:23

    السلام عليكم لو سمحت انا عاوزة احمل الكتاب بس مش عاروز يتحمل ممكن افادة او التواصل معايا محتاجة كساعدة عبشان دة ممكن اعمله مشروع التخرج بتاعي

     
  14. Unknown on 24 August 2019 at 16:25

    رقم تواصل ليا 01092009950 لاني مش هعرف ادخل للبيدح هنا تاني رجاءا مساعدة