دراسه مبدأيه لمشروع مكتب او شركه دعاية واعلان

بواسطة Sherifer921 | 03:30 في انشاء شركات ووكالات الدعاية والاعلان |

دراسه مبدأيه لمشروع مكتب او شركه دعاية واعلان

دراسه مبدأيه لمشروع مكتب او شركه دعاية واعلان



نظرا لوجود عدد الناس عندهم طموح فتح مكتب او شركة دعاية واعلان انا قررت

اكتب الموضوع ده لكى يقدروا يحددوا هما مبدأيا محتاجين ايه بالظبط

اولا : طبعا انت محتاج ايجار مكتب مناسب وفى مكان مناسب وبسعر معقول طالما

انت لسه فى البداية

يعنى ايجار مكتب مساحته حوالى غرفتين وصاله بحيث تكون غرفه للادراه وغرفه

للتصميم والصاله يوجد بها السكرتيره واستقبال العملاء

مبدأيا سعر ايجار المكتب مش حيكون اقل من 600 وفيه ب 1000 وفيه ب 2000

وده حسب المنطقه

ثانيا : بالنسبه للتراخيص والكلام ده

فى مصر التراخيص عباره عن فتح بطاقه ضريبيه ثم الذهاب الى الغرفه التجاريه

للحصول على تصربح مزاوله نشاط ثم الذهاب الى السجل التجارى للقيد فى سجل

التجار

وكل الاجراءات دى سعرها الرسمى من 250 ل 300 جنيه وممكن اقل بس طبعا

انتوا عارفين ايه اللى بيتدفع فى النص

وخلى بالك انت مش محتاج محامى يعملك كل ده لان دى مجرد اجراءات ومن حق

اى مواطن انه يقوم بيها وكمان المحامى حيزود تكلفه على الفاضى

ونصيحه شخصيه منى لاى حد عاوز يفتح مكتب هو انه ميعملش حاجه غير البطاقه

الضريبيه فقط لان طالما انت بتدفع الضرايب للحكومه يبقى انت كده مواطن صالح

وحيدعولك ربنا يباركلك علشان تدفع دايما ضرايب

لكن الغرفه التجاريه والسجل التجارى دول محتاجين انك تكون شركه كبيره علشان

تقدر تتحمل بالتزامتهم الكتير وبرضه تستفاد من مميزاتهم

ده غير ان الاوراق والاقرارات المطلوبه فى الغرفه التجاريه والسجل التجارى كتير

جدا جدا وممكن تلاقى شروط مش متوافره فيك بتاتا

انا عن نفسى اعرف اصحاب مكاتب دعايه واعلان كتير شغالين بقالهم سنين وكل

اللى معاهم هو البطاقه الضريبيه لان فيه خطر كبير جدا لو انت فتحت مكتب او نشاط

من غيرها بالذات ان مفتشى الضرائب ربنا يباركلهم نشاطهم كبير اوى ولو كشفوك

حتلبس قضيه تهرب ضريبى وحيتعملك تقدير جزافى للضرائب وحتلاقى مبلغ ما شاء

الله كبير اوى عليك دفعه والا الحبس

يبقى كده انتوا عرفتوا حتعملوا ايه

اول حاجه تأجير مكتب مناسب فى مكان مناسب وحيكون مش اقل من 600 جنيه مصرى

تانى حاجه بعد ما تمضى عقد الايجار تطلع بسرعه على مصلحه الضرائب وتفتح

بطاقه ضريبيه وحتخلص بسرعه اوى اوى اوى لانهم فى مصلحه الضرايب ما

بيصدقوا ومش بعيد يعملولك حفل استقبال

ثالث حاجه انت كده معاك المكتب ومعاك البطاقه الضريبيه يبقى فاضل تجهيز المكتب

من الداخل وحتحتاج على الاقل الاتى

عدد واحد مكتب للمدير

عدد واحد مكتب صغير للسكرتيره

عدد واحد جهاز كمبيوتر امكانياته كويسه ومعاه الترابيزه الخاصه به

شويه كراسى وسجاد والدلع ده

كده حتتكلف حوالى 2500-3000 جنيه مصرى لتجهيز المكتب من الداخل

يبقى كل اجمالى كل المشروع هو 600 ايجار + 100 بطاقه ضريبيه + 3000

تجهيز للمكتب =3700 جنيه مصرى

وبرضه فيه شهرين تأمين حتدفعم ساعه تأجير المكتب فى الاول وحتاخدهم بعدين

يبقى كده 3700+1200=4900 جنيه نقول 5000 جنيه علشان خاطر الحاجه

الساقعه بتاعه الافتتاح

كده المكتب جاهز للعمل فورا كل ما عليك انك تجيب مصمم كويس وبعد كده تنزل

تتفق مع مطبعه ومع مكتب فصل الوان ومع شركة طباعه يفط اعلانيه ومع ورشه

طباعه سلك سكرين

وبعد كده تنزل اعلان فى الوسيط مثلا عن طلب مندوبين وحاول تدى مرتب ثابت

مش عموله بس لازم متابعه كويسه اوى ليهم فى الحاله دى

وبرضه وانت وعلاقاتك فى المجالات ومعامله العملاء وكل عميل تعمله شغل كويس

حيجيبلك غيره وغيره وربنا بيكرم

طبعا الدراسه السابقه دى معموله لشخص عاوز يطلع السلم من اوله ويبدأ بأقل

حاجه

لو فيه شخص معاه رأس مال معقول اوى يبقى حيزود فى الامكانيات اللى فاتت

بحيث ياخد مكتب فى منطقه كويسه جدا ومشهوره يعنى شقه فوق بنك مثلا ويهتم

بفخامه المكتب من الداخل ويدفع اكتر فى الاعلانات والكلام ده

وانا عن نفسى فكرت قبل كده لما شوفت ناس كتير نفسها تفتح

وناقصها الخبره او المبلغ اللى معاهم صغير انى اجمعهم فى عمل

شركه دعايه واعلان كبيره بامكانيات ضخمه جدا بس المشكله

ان اليه عمل الناس الكتير دى مش محدد حتكون ازاى لان مش

معقوله واحد جاى وعاوز يشارك معايا انى اقوله ادفع بس وخليك

فى بيتك والارباح حتجيلك لحد عندك لانه لازم يشتغل ويتعلم

بالاضافه الى ان عدد الشركاء لو زاد عن اتنين ده مش فى

صالح العمل بتاتا وعن تجربه شخصيه

دى كانت دراسه لمكتب صغير كده والدراسه دى صالحه لاى

دوله عربيه مع الاختلاف فى اسعار الايجار والترخيص ولكن

الاساس واحد فى كله

واى استفسار منكم اضغط هنـــــا بالله عليك وقول استفسارك والله العظيم

كتابه الاستفسار مش محتاجه تكون مسجل نفسك فى جوجل ولا ياهو

ولا فى اى حاجه تانيه

واكتب اللى انت عاوزه وانا موجود وربنا يسهل للجميع

وعلى فكره انا اسف جدا للتأخير فى طرح كتاب

(احترف التصميم الدعائى ) لاننى عمال اراجع عليه

كل شويه واتأكد ان مفيش حاجه ناقصه علشان تاخد

المعلومه تمام وبشكل بسيط ان شاء الله

وميعاد الطرح حيكون يوم واحد نوفمبر ان شاء الله

ادخل الى موقعى
http://adv-academy.com/2008/10/%D8%AF%D8%B1%D8%A7%D8%B3%D9%87-%D9%85%D8%A8%D8%AF%D8%A3%D9%8A%D9%87-%D9%84%D9%85%D8%B4%D8%B1%D9%88%D8%B9-%D9%85%D9%83%D8%AA%D8%A8-%D8%A7%D9%88-%D8%B4%D8%B1%D9%83%D9%87-%D8%AF%D8%B9%D8%A7%D9%8A%D8%A9/

 

41 comments:

1. Hala on 28 October 2008 06:42

   السلام عليكم ورحمة الله وبركاته
   
   لو سمحت من فضل حضرتك انا دلوقتي طالبة في الفرقة الرابعة كلية التجارة قسم محاسبة بفكر لما اتخرج بامر الله انزل تدريب في مكتب محاسب تلات سنين علشان ابقه محاسبة قانونية وبعد كده اشق طريقي ايه رآي حضرتك لو سمحت تديني رآي حضرتك
   اتمنى الافادة هل تفكيري صح ولا لا ؟؟
   وشكرا

    
2. Sherifer921 on 28 October 2008 08:04

   اهلا بحضرتك
   وبخصوص سؤالك انا مش عارف قصدك حضرتك هو انك تبقى محاسبه قانونيه الاول وبعد كده تشقى طريقك فى الدعايه ولا ايه بالظبط ؟
   على افتراض كده طبعا شىء جميل انك تدربى على حاجه خصوصا لو بتحبيها بس مجال الدعايه مش محتاج محاسبه قانونيه
   فبالتالى لو انتى بتحبى مجالك يبقى ركزى فيه واتمرنى فيه كويس واكسبى خبره وبعد كده افتحى مكتب محاسبه خاص بيكى وانا متهيألى ان قصدك انك تفتحى مكتب محاسبه مش مكتب دعايه واعلان

    
3. ahly on 29 October 2008 18:25

   لوسمحت ياباشا انا طالب في الفرقة الرابعة معهد حاسب الي عايز اسأل حضرتك اية البرامج الي الواحد يعرفها عشان يبقي جامد دعايا واعلان ولو عند حضرتك لوجوهات عربيات تليفونات اي لوجاهات ابقي سعيد لو رديت علية

    
4. Sherifer921 on 30 October 2008 02:48

   هيا الفكره مش فى برامج ايه الواحد يعرفها ويبقى جامد لان كل برنامج وفيه ملايين من البشر بيعرفوا يستخدموه
   لكن الفكره فى الاستخدام والاحتراف والتميز
   عموما لو انت عاوز تدخل المجال الدعائى طبعا عندك اهم حاجه الاساس وهو الفوتوشوب
   وبعد تميزك فى التصميم بالفوتوشوب تقدر تتجه للالييستريتور
   وزى ما قولتلك العبره باستخدام البرنامج ازاى مش مجرد معرفته
   وبالنسبه للوجوهات من عنيا بكره ان شاء الله حانزل موضوع مخصوص فيه لوجوهات عربيات وموبايلات وشركات المحمول

    
5. Anonymous on 3 November 2008 22:03

   السلام عليكم اهل سلام
   انا سعيد جدا ان فى اشخاص حريصين مثل حضراتكم على افاده الغير دون انتظار العائد عليكم ايه
   بعد الشكر
   1-اريد افكار جديده لتسويق مكتب للدعايه و الاعلان؟
   2-كيف انجح واستغل دخول سيزون رأس السنه؟هام وعاجل

    
6. عبد الغنى on 3 November 2008 22:06

   السلام عليكم اهل سلام
   انا سعيد جدا ان فى اشخاص حريصين مثل حضراتكم على افاده الغير دون انتظار العائد عليكم ايه
   بعد الشكر
   1-اريد افكار جديده لتسويق مكتب للدعايه و الاعلان؟
   2-كيف انجح واستغل دخول سيزون رأس السنه؟هام وعاجل

    
7. Sherifer921 on 4 November 2008 02:44

   السلام عليكم اهل سلام
   انا سعيد جدا ان فى اشخاص حريصين مثل حضراتكم على افاده الغير دون انتظار العائد عليكم ايه
   بعد الشكر
   1-اريد افكار جديده لتسويق مكتب للدعايه و الاعلان؟
   2-كيف انجح واستغل دخول سيزون رأس السنه؟هام وعاجل
   
   اهلا يا استاذ عبد الغنى
   1 - بالنسبه لافكار جديده لتسويق مكتبك فسمعتك اكبر مسوق ليك ده مبدأيا
   حاول تخاطب العملاء المحتملين عن طريق جوابات ترسلها او تليفونيا وشوف النتيجه
   2 - سيزون رأس السنه ده بقى تعمل لنفسك دعائة مكثفه بس بعد ما تشوف دعايه المنافسين الاول
   لان كل سنه بتنزل حاجات جديده وعرووض جديده وحتلافى اللى رامى السعر فى الارض بس عامه حاول تبعد عن اصحاب المحلات لانهم حيتعبوك اوى وكل ما حتقولهم سعر حيقولك ده فيه ارخص
   اتعامل مع اصحاب المكاتب احسن سواء مكاتب سياحه او محاسبه او محاماه او او كلهم بيحتاجوا كميات كبيره من الاجندات والنتايج بالذات شركات السياحه فألعب على الناس دى

    
8. Tarek on 4 November 2008 10:24

   مساء الخير
   ارجو بعض الاستفسار عن كيفية فتح مشروع شركة دعاية واعلان متوسطة الامكانيات ؟؟؟؟؟ ارجو الافادة مع العلم اننى لدى الكثير من العلاقات العامة التى قد تفيد في مثل هذا العمل وشكرا

    
9. Tarek on 4 November 2008 10:24

   مساء الخير
   ارجو بعض الاستفسار عن كيفية فتح مشروع شركة دعاية واعلان متوسطة الامكانيات ؟؟؟؟؟ ارجو الافادة مع العلم اننى لدى الكثير من العلاقات العامة التى قد تفيد في مثل هذا العمل وشكرا

    
10. Tarek on 4 November 2008 10:31

    قرأت لحضرتك انك لا تفضل الشراكة في مثل هذه الاعمال ولعدم تفرغى الكامل فأننى قد أضطر للمشاركة لكى أجد من يتابع العمل داخليا فما رأى سيادتك ؟...

     
11. Sherifer921 on 4 November 2008 11:11

    مساء الخير
    ارجو بعض الاستفسار عن كيفية فتح مشروع شركة دعاية واعلان متوسطة الامكانيات ؟؟؟؟؟ ارجو الافادة مع العلم اننى لدى الكثير من العلاقات العامة التى قد تفيد في مثل هذا العمل وشكرا
    قرأت لحضرتك انك لا تفضل الشراكة في مثل هذه الاعمال ولعدم تفرغى الكامل فأننى قد أضطر للمشاركة لكى أجد من يتابع العمل داخليا فما رأى سيادتك ؟...
    استاذ طارق
    عاوز شركة دعاية واعلان كويسه ومتوسطه الامكانيات يبقى حتأجر شقه فى مكان مناسب جدا يعنى يا اما فى حى راقى يا اما فى منطقه تجاريه مشهوره
    زائد انك حتزود عدد الاجهزه وتخليهم اتنين بدل واحد
    وتصرف شويه على منظر المكتب نفسه من جوه بحيث اللى يدخل المكتب يعرف انكوا ناس جد ومش بتلعبوا او مبتدأين
    دى شركه متوسطه كده
    وانا قولت فعلا انى مش بأفضل الشراكه اللى اكتر من اتنين
    يعنى يوم ما تشارك يبقى واحد بس ومش اى واحد
    لكن اكتر من شريكين انا مش بأفضل كده لأن حيحصل مشاكل
    ف لو انت معاك واحد وواثق فيه اوى توكل على الله واى حاجه تقف معاك انا جمبك

     
12. Tarek on 7 November 2008 08:44

    بداية اشكر سيادتكم على اهتمامكم بالرد على رسالتى السابقه ومعذره لى بعض التساؤلات الاخرى .هل ممكن ترشيح بعض المطابع والورش للتعامل معها فانا قد اتخذت خطواط جديه بالفعل من مكان وجروب عمل كمان احب تطرح عليه اسم لاطلاقه على الشركه وشكرا

     
13. Sherifer921 on 7 November 2008 08:50

    العفو يا اخ طارق
    بالنسبه لترشيح المطابع والورش انا كل عملى مع المطابع والورش والمكاتب اللى فى اسكندريه فلو انت من اسكندريه انا حقدر افيدك جدا فى المسأله دى لكن لو انت من القاهره يبقى للأسف انا مش حقدر افيدك وتقدر برضه تسأل عن الاماكن اللى فيها مطابع كتير عامه فى القاهره وتلف عليهم وتشوف الانسب والعبره بالتجربه
    بالنسبه للاسم يا سيدى اختار اسم شيك ومعبر ومش طويل ومعقد
    high point
    top print
    print way
    free style
    كده يعنى

     
14. Tarek on 8 November 2008 11:16

    مساء الخير
    دلوقتى يا شريف بيه انا تقريبا ماشى مع اللى بتقوله خطوة خطوة يعنى جبت مكتب فى مكان معقول وبدأت أسأل واعرف طريق المطابع والورش واسأل واستفسر عن كل شىء لغاية هنا انا تقريبا ماشى معقول بس انا عايز اعرف كيفية جلب العملاء وما هى الطريقه المثلى لذلك يعنى أزاى اقنع العميل بما ساقدمه له من خدمات دعايه

     
15. Sherifer921 on 8 November 2008 12:09

    جميل اوى كل ده
    الباقى بقى عاوز قعده
    ابقى ضيفنى على الماسنجر
    Sherifer921@hotmail.com

     
16. nour on 18 November 2008 00:57

    انا اسمى نور وعايزه افتح مكتب دعايه واعلان لكن له بعض الاكتفاء الذاتى يعنى عايزه كمان انا اللى اطبع مش شرط كل حاجه بس على الاقل الاساسيات ممكن ترحشلى اسماء المكن ده اللى يكون بدايه ناجحه كويسه مش ضعيفه ولو اطمع فيك اكتر انك تعملى دراسه جدوى مصغره تكون مابين فتح مكتب ووجود ديزاينر والاجهزه دى وابتدى ازاى كتسويق الخدمه بتاعتى طماعه صح معلش

     
17. nour on 18 November 2008 00:59

    انا اسمى نور وعايزه افتح مكتب دعايه واعلان لكن له بعض الاكتفاء الذاتى يعنى عايزه كمان انا اللى اطبع مش شرط كل حاجه بس على الاقل الاساسيات ممكن ترحشلى اسماء المكن ده اللى يكون بدايه ناجحه كويسه مش ضعيفه ولو اطمع فيك اكتر انك تعملى دراسه جدوى مصغره تكون مابين فتح مكتب ووجود ديزاينر والاجهزه دى وابتدى ازاى كتسويق الخدمه بتاعتى طماعه صح معلش

     
18. Sherifer921 on 19 November 2008 08:09

    اهلا بيكى يا نور
    بالنسبه لانك تطبعى انتى بنفسك نصيحه منى انسيها خالص
    اولا تمن المكنه غالى جدا
    ثانيا الطباعة دى لوحدها موضوع تانى خالص بعيد عن الدعاية ومحتاج خبرات وصنعةولازم علشان الشغل يطلع تمام وجود خبرة ومهاره عند المطبعه
    وكل ده زى ما قولتلك حاجات خاصه بالصنايعية وفنيات لكن احنا ناس مصممين وخبراء اعلان وخبراء تسويق
    هو اه طبعا مهم الواحد يبقى فاهم الطباعة ماشية ازاى علشان يعرف يكلم المطبعة بس لازم يكون فاهم على قد الحاجه بالظبط لان التعمق فى الطباعة يبقى كده انا حابقى مطبعجى مش خبير اعلان ولا تسويق
    علشان كده نصيحه شخصية منى انسى حوار انك تشترى مكنة طباعه
    ولو مش مقتنعه مفيش مشاكل قوليلى وانا حقولك اسماء احسن ماكينات الطباعة
    بالنسبة لدراسة الجدوى فحضرتك زى ما شايفه فى الموضوع ان الامر مش محتاج اكتر من خمس الاف جنيه ومن واقع شغلى فى الدعاية اقدر اقولك انك تقدرى ترجعى رأس المال ببساطة فى خلال 6 شهور ده لو السوق واقع خااااااالص
    لكن الطبيعى انهم يرجعوا فى شهرين او تلاته
    بالنسبة لتسويق الخدمة بتاعتك ف يا ريت تشوفى المقال اللى انا كاتبه بخصوص وكالات الدعاية والاعلان وحتلاقى انى تطرقت فيه لموضوع تسويق الخدمات
    واى استفسار تانى انا موجود ان شاء الله

     
19. selection on 19 November 2008 18:59

    السلام عليكم
    طبعا شاكرين ليك مجهودك الطيب انا من اسكندريه وانا مقدم على افتتاح مكتب دعايه واعلان بس فيه مشكله وهى المطابع .. السعر ارتفع مع الراجل اللى بتعامل معاه ومش قادر اسيبه عشان بصراحه شغله كويس جدا لان بيستعمل تراجات ايطالى ...على فكره هوه قدام نادى سبورتنج اكيد عرفته ... انا بس مش عاوز اذكر اسمه علشان متبقاش دعايه ليه ..المهم انا عاوز مطبعه كويسه وسعرها رخيص يعنى مثلا اقصاها تراجات 15 وزنكات برضه 15 ياترى فيه مطبعه تطلعلى الشفل بالجوده العاليه اللى طالبها ؟؟؟؟ لان الموضوع ده عاملى مشكله مع العملاء وخصوصا فى الربع فرخ
    واكون شاكر ليك

     
20. Fatma Yehia on 30 November 2008 05:43

    انا من القاهرة واريد مساعدتك لانني اريد فتح مكتب دعاية واعلان ومصممة عالنجاح عجبني جدا انك عايز تساعد كل الناس وتفيدهم بالمعلومات بدون مقابل ارجو التواصل وافادتي وشكرا

     
21. Special Boy Style on 2 January 2009 15:10 This post has been removed by the author.  
22. Special Boy Style on 2 January 2009 15:23

    السلام عليكم .. يعطيك العافيه يا أستاذ شريف وعساك عالقوه . انا من السعوديه مصمم ومصور اتشغلت في مجال التصميم وقت طويل قرابة الـ 7 سنوات في البدايه كان الشغل بسيط لأشخاص ولمحلات صغيره وبدأ يكبر وبديت اشتغل لمحلات اكبر ومؤسسات وعلى فكره كانت الدعايه الوحيده لي هي اعجابهم للعمل .. احد المرات طلب مني صاحب سوبرماركت عمل بروشور يتضمن تصوير المنتجات والتصميم فأديت العمل وعجبه وبدا يعتمد علي في باقي الشهور .. ايضاً اعمل في مجال الاستكرات وأملك قطاعة
    استكرات Ploter cutter
    واجيد استخدامها وعندي خبره معاها .. عملت كتيبات كثير تصميم وإخراج ويفط كثير ... طبعاً هذا غير اني مصور ومتخصص في تصوير الأطفال وتصوير حفلات الزواج .. مابي اطول عليك ولو اني طولت ، لكن حيرتي في مجال العمل اللي اتجه له .. طبعاً رقبتي في الدعاية والإعلان بشكل كبير .. والمحل موجود وجاهز .. الحمدلله الوالد موفر لي المحل ومحل كبير جداً .. والمحل هديه منه وانا متفرق جداً لأني طلعت من الجامعه .. لكن كيف ابدأ مااعرف .. وكم احتاج من العمال وماهي الاشياء اللي احتاجها وكل التفاصيل موقفتني للأسف ، حتى رأس المال مااعرف كم .. فياليت يا أستاذ شرف تفيدني واعلم انك تفيد الناس لوجه الله وجزاك الله خير .. لكن لو أفدتني وتحقق كل شي فأطلب أي شي وأنا حاظر
    
    ومره أخرى آسف على الإطاله
    
    وشكراً

     
23. Special Boy Style on 2 January 2009 15:23

    السلام عليكم .. يعطيك العافيه يا أستاذ شريف وعساك عالقوه . انا من السعوديه مصمم ومصور اتشغلت في مجال التصميم وقت طويل قرابة الـ 7 سنوات في البدايه كان الشغل بسيط لأشخاص ولمحلات صغيره وبدأ يكبر وبديت اشتغل لمحلات اكبر ومؤسسات وعلى فكره كانت الدعايه الوحيده لي هي اعجابهم للعمل .. احد المرات طلب مني صاحب سوبرماركت عمل بروشور يتضمن تصوير المنتجات والتصميم فأديت العمل وعجبه وبدا يعتمد علي في باقي الشهور .. ايضاً اعمل في مجال الاستكرات وأملك قطاعة
    استكرات Ploter cutter
    واجيد استخدامها وعندي خبره معاها .. عملت كتيبات كثير تصميم وإخراج ويفط كثير ... طبعاً هذا غير اني مصور ومتخصص في تصوير الأطفال وتصوير حفلات الزواج .. مابي اطول عليك ولو اني طولت ، لكن حيرتي في مجال العمل اللي اتجه له .. طبعاً رقبتي في الدعاية والإعلان بشكل كبير .. والمحل موجود وجاهز .. الحمدلله الوالد موفر لي المحل ومحل كبير جداً .. والمحل هديه منه وانا متفرق جداً لأني طلعت من الجامعه .. لكن كيف ابدأ مااعرف .. وكم احتاج من العمال وماهي الاشياء اللي احتاجها وكل التفاصيل موقفتني للأسف ، حتى رأس المال مااعرف كم .. فياليت يا أستاذ شرف تفيدني واعلم انك تفيد الناس لوجه الله وجزاك الله خير .. لكن لو أفدتني وتحقق كل شي فأطلب أي شي وأنا حاظر
    
    ومره أخرى آسف على الإطاله
    
    وشكراً

     
24. Mohammad on 11 January 2009 05:36

    مساء الورد يا باشا تصدق إني إتفاجئت بإن الناس كلها في دماغها المشروع دا("و) أنا لسة مفكر في المشروع دا النهاردة و عملت سيرتش و وصلتلك بصراحة كلام جااامد و الموضوع داخل دماغي جدا و عاوز أعملو بقولك إيه يا شريف هات إيميلك و خلي الكلام يحلو
    alshater@live.com

     
25. Nasser on 22 January 2009 04:43

    الله يعطيك العافية ويرحم والديك ويرزقك الجنه على هذا لاعمل اخوك ناصر العريمي من سلطنة عمان nsralaraimi@gmail.com

     
26. Nasser on 22 January 2009 04:44

    الله يعطيك العافية ويرحم والديك ويرزقك الجنه على هذا العمل اخوك ناصر العريمي من سلطنة عمان nsralaraimi@gmail.com

     
27. Anonymous on 26 January 2009 10:48

    السلام عليكم ورحمة الله وبركاته
    وبراحة مشكور جدا على بذل كل هذا المجهود الرائع فى محاولة توصيل الفكرة الى القارئ بكل سهوله
    فارجو من سيادتكم اضافة هذا الايميل لتفاوض والحديث مع سيادتكم
    admin4arab@hotmail.com

     
28. ليدي جرين on 11 March 2009 23:13

    سلام
    فكرة الموقع كله على بعضه جميله ومفيده جزاكمالله خيرا ..احنا صحيح ع8ندنا علم ولكن مش عندنا ثقافة المشاركه ونقل العلم للاخرين من غير وجود الانانيه والمصلحه فبتلاقي العلم ساعات نص منقول او مشوه او متكتم عليه..يعني زي ما بيقولوا شمشون الجبار عاوز يروح بسره وما يقولش لحد عليه..
    رغم ان دينا دين اقرا ودين التشجيع على التعاون وحب لاخيك ما تحبه لنفسك وكان الله في عون العبد ما كان العبد في عون اخيه وغيرها من الاحاديث التي تحث على التواصل والنجاح..
    العقول الشابه كتير وطاقتها عظيمه وازاي الانسان ما يكونش عاله على الاخرين وبينتظر منهم يحركوه اقتصاديا
    دي مهمته هو يبقى يشتغل عليها يستخدم فكره وامكانياته المتاحه والعزيمه والصبر لحد ما يشق طريقه..
    كيف اكون سيد عملي مش الناس التانيين هم الي بيحددوا ليه وقت عملي وقت استيقاظي وتحركي كله..ده الواحد بيخطط ليه ويخليه كهدف من اهداف حياته وتخطيطه الاستراتيجي لحياه افضل ليه ولاولاده..
    عندي بعض الافكار ممكن عمل وصله بالموقع بتاعك مثلا تحت عنوان افكار استثماريه يعني الي عنده فكره مشروع يبقى يقولها ويشرحها وجدوى المشروع ايه وكده يعني بحيث الي عنده راس مال او الي تعجبه الفكره ممكن يستفيد او ال ييبحث عن افكار ومش لاقي ممكن يستفيد منها
    انا عندي افكار استثماريه جميله بس الراس مال مش متوفر عشان كده جاتني فكره اني اطرح الافكار دي والي يشوف منها ما يعجبه يقدر يطبقها ويستفيد منها ..
    شكرا ليك تاني وجزاك الله خير

     
29. Anonymous on 15 March 2009 15:56

    انا طالبة فى حاسب ألى الفرقة الثانية وبما أنى أول مرة أدرس دراسة جدوى أريد معلومات أكثر عن مشروع شركات الدعاية والإعلان من فضلك لإن هذا مشروعى فى المادة و انت عارف الجامعات الخاصة وأساليبها ربنا يخلصنا منها

     
30. mina adel on 18 May 2009 07:23

    اولاً ارسل لك تحياتى لكل المجهود اللى انت عامله
    انا طلبى صغير جداً انا خدت كورسات وعايز انزل اشتغل بس كل الشغل الموجود عايز ناس خبره مش اقل من سنتين انا عايز مكان اتدرب فيه وبعد كده انزل شغل صح
    ارجو الافاده

     
31. mina adel on 18 May 2009 07:27

    انا بعتلك اضافه على الميل بيتاعاك ودا ميلى عشان تعرفنى
    minakahf@hotmail.com

     
32. الرائد on 9 July 2009 02:18

    السلام عليكم احب ان اسأل عن وسائل الاعلان في الطرقات وخاصة المنصات الي لها اكثر من وجه وتتبدل اوتماتيكيا المنشأ ، السعر ، الاحجام
    وايضا اسأل عن الاعلان الضوئي المتحرك ( الشريط الضوئي ) الذي يستخدم في البروصة وعن امكانية استخدامه للاعلان في الطرقات
    مع الشكر

     
33. kanssary on 2 August 2009 05:06

    اخي الفاضل انا معايا 140 الف جنيه تحويشه سنين وباذن الله عايز افتح مكتب دعايه واجيب مكن لان بحب المجال ولكني لا يوجد عندي اي خبره فيه

     
34. mona on 16 August 2009 08:45

    Mona said
    كان حلمى انى اعمل مشروع شركة او مكتب دعاية واعلان ولكن لا يوجد لدية اى خبرة فى المجال
    فكرت انى اشتغل سكرتارية فى شركة دعاية واعلان لكى اعرف اى حاجة فى المجال ولكن انت عارف الناس
    قولى اعمل اى لكى اعرف الكثير فى هذا المجال وانجح

     
35. Anonymous on 16 August 2009 08:47

    Mona said
    كان حلمى انى اعمل مشروع شركة او مكتب دعاية واعلان ولكن لا يوجد لدية اى خبرة فى المجال
    فكرت انى اشتغل سكرتارية فى شركة دعاية واعلان لكى اعرف اى حاجة فى المجال ولكن انت عارف الناس
    قولى اعمل اى لكى اعرف الكثير فى هذا المجال وانجح

     
36. Anonymous on 15 September 2009 21:00

    hi
    i just need to work as adesigner
    photoshop only could u plz tell me
    any office or somthin need adesigner..
    thanx in advance

     
37. Ahmed on 22 September 2009 07:12

    بجد ربنا يجازييك خير يا شريف على المعلوملت الجميلة دى بس فى سؤال طبعا انا عارف ان الرزق ده حاجه من عند ربنا بس هل لو الشغل شغال بالشكل الطبيعى فى مجال الدعية هل ممكن احيب اللى انا صرفتها على المكتب فى وقت قليل

     
38. anass elghinoussi on 29 September 2009 14:06

    السلام عليكم ورحمة الله وبركاته
    الأخ العزيز والمحترم...أولا أتقدم بخالص الشكر لك على الدروس التي تقدمها ومجهوداتك من أجل توعية الشباب العربي...وجزاك الله كل خير
    أخي أنا شاب من المغرب...أفكر حاليا بتأسيس شركة وإفتتاح مكتب للخدمات عن بعد والتسويق والبيع عبر الهاتف والأنترنت وإدارة مواقع تجارية على الشبكة وأيضا تقديم العديد من الخدمات من أهمها الدعاية والإعلان...
    وقد أرسلت لك إميل أوضح فيه فكرتي......أرجوا أن تتطلع عليه..وتتكرم علي بالرد
    وشكرا

     
39. mero on 14 October 2009 04:57

    انا عندى شركة دعاية واعلان صغيرة جداااااااااااااا وعندى احساس انى مش عارفة اكمل لانى لم احقق المستوى المالى المطلوب ولا الشهرة المطلوبة ارجو الافادة وكمان انا نفسى احسن المستوى الخاص بى ومش عارفة عايزة اتطور من الشركة وانا شخصيا ومستوى اللغة والحاسب كل ما يخص حياتى لانى دا مسبب لى متاعب نفسية وشعور بالاحباط ارجو المساعدة وبسرعة

     
40. mero on 14 October 2009 05:07

    انا عندى شركة دعاية واعلان صغيرة جدا وكنت عايزة خبرتك فى تطورها ماديا ومن حيث الشهرة ايضا وايضا تطوير نفسى من لغات وحاسب وعلاقات عامة ومستوى تفكير فى المستقبل ارجو المساعدة

     
41. Anonymous on 1 November 2009 08:04

    انا طالبة في اكاديمية اخبار اليوم قسم صحافة و نفسي اشتغل في الدعاية والاعلان نفسي ادرب و اتعلم في المجال ده اكتر و اكتر ممكن تساعدني؟؟

     

Post a Comment