السلام عليكم ورحمه الله وبركاته

الموضوع ده مش درس ولا عن الكتاب الجديد

لكن شويه دردشه معاكم

لانى عندى افكار كتير جدا للارتقاء بالدعاية والاعلان وعاوز اعرف رأيكم

من اهم افكارى حاليا واللى نفسى انفذها هيا موقع شامل للدعاية والاعلان
موقع اجمع فيه كل خبراء الدعاية والاعلان والتصميم الدعائى والتجارى والطباعة وخبراء التسويق

ونقدم دروس متجددة ودعم متواصل مع الزوار

وكمان اخلى شركات الدعاية والاعلان تعلن فى الموقع ده عن الوظائف الخاليه اللى محتاجاها

مشكلتى الوحيدة بالنسبه للمواقع هيا عدم معرفتى بالبرمجه الخاصه بيها

انا اقدر اصمم موقع كامل بالفوتوشوب

لكن برمجه الموقع وكده معرفش حاجه خالص عنه

يعنى تقولى قواعد بيانات و اس سى سى و اس كيو ال والحوارات دى اقولك معرفش فيها

كل اللى اعرفه عن المواقع هو ازاى احجز دومين وايه هيا المساحه والباندويث

الفكرة دى فى بالى على طول وحيجى يوم وانفذها ان شاء الله

بس ايه رأيكم فى الفكرة عامة ؟

يا ريت اسمع ردود كتير بالذات ان فيه زوار بيجوا من جوجل ومش بشوف تعليقات منهم

المشكله معاكم هى التعامل مع المدونه

علشان كده اتفضلوا اضغطوا هنـــــــا للتعليق على الموضوع ده

والتعليق هنا مش محتاج تكون مشترك فى جوجل او فى بلوجو او فى اى حته ولا حتى كتابه حروف مطابقه للصورة


عاوز رأيكم وعاوز كمان لو فيه افكار احسن نتبادل الاراء فيها وعاوز تفاعل

النظام هنا ديموقراطى علشان بس امريكا متجيش تقولى حاجه

والسلام عليكم

ادخل الى موقعى
http://adv-academy.com/2008/10/%D8%A7%D9%81%D9%83%D8%A7%D8%B1%D9%89-%D9%81%D9%89-%D8%A7%D9%84%D8%AF%D8%B9%D8%A7%D9%8A%D8%A9-%D9%88%D8%A7%D9%84%D8%A7%D8%B9%D9%84%D8%A7%D9%86/

3 comments:

  1. m2_aa on 13 October 2008 at 15:34

    انا اسمي مصطفى وان شاء الله تشوفني كتيير معاك هنا

    الفكرة حلوة عامة بس عاوزة شوية تفكير وتخطيط و موارد

    بس هيا ناجحة ان شاء الله

     
  2. Hem on 12 February 2012 at 14:31

    علي فكرة انا جي من جوجل وحبيت اكتبلك تعليق
    أولا اهنيك علي العرض المميز لمواضيعك وأفكارك.
    ثانيا فكرة الموقع البتتكلم عنة رائعة وممزية جداً خاصة غنها مستهدفة فئة معينة من الأشخاص
    بالتوفيق.
    وعلي فكرة لوحابب تصمم موقع برمجة خاصة انا ممكن أساعدك.
    والافضل تبدأ بمنتدي زى معهدج ترايد نت

     
  3. mesallam on 8 July 2012 at 12:56

    انا ممكن اساعد حضرتك فى الموضوع ده ومجانا لان الفكرة جميلة جدا انا اعمل فى مجال تصميم وبرمجة المواقع من فتر ة طويلة وجاهز انى ارد عليك فى اى اسئلة او استفسارات محتاجها عندى موقعين بديرهم ممكن تشوفهم nass2000.com - arabygames.com - لسة ناشئهم حديثا وحابب انى اساعدك زى ما ساعدتنى بمواضيعك الجميلة
    وومكن انشئ لك الموقع على استضافتى مجانا ويا ريت لو تكلمنى ده ايميلى mesallam2002@yahoo.com وبعدها هكلمك بالموبايل
    على فكرة انا اسمى محمد من مصر - الشرقية

    سلام