ما رأيكم بكتاب شامل ؟

السلام عليكم ورحمه الله وبركاته

اخوانى وقرائى الاعزاء

انا النهارده جاى اخد رأيكم فى حاجه بقالى فتره بفكر فيها لحد ما بدات فى مرحله التنفيذ

الحاجه دى هيا عباره عن كتاب الكترونى شامل لكل اللى اى حد عاوز يعرفه عن الدعايه

الكتاب ده بيبدأ معاك من وانت مبتدأ خالص ولسه متعرفش ادنى فكره عن الدعايه

وبياخدك لحد ما تقدر تروح تقدم فى اى شركه وانت مطمن اووووووووووووووى

الكتاب الالكترونى ده حيكون فيه معلومات اكتر تفصيلا وتركيزا بكتير من المواضيع بتاعتى القديمه اللى انا كتبتها

لانى حقوم بالكتابه بتركيز اكبر وتفصيل اكتر واعطاء معلومات هامه وغير معلومه للكل

الكتاب ده حيكون مرجع شامل لاى حد لسه ميعرفش حاجه عن الدعايه

مش حيكون شرح للفوتوشوب

لأ

الفوتوشوب ده تقدر تتعلم ادواته واوامره فى خلال خمس ايام بالكتير من خلال المنتديات الكتيره اوى المنتشره فى الانترنت

يعنى بالتالى انت حتروح تتعلم الفوتوشوب الاول فى الخمس ايام دول

بعد كده يبدأ دور الكتاب

الكتاب حيعلمك ازاى تبدأ بتطبيق اللى انت اتعلمته

وازاى التطبيق ده يخرج فى شكل تصميم دعائى جيد

يعنى تقدر تقول ان اول جزء من الكتاب حيتكلم بالتفصيل عن ازاى تطبق كل اللى اتعلمته فى الفوتوشوب سواء كنت لسه متعلم الفوتوشوب او بقالك فتره متعلمه

يعنى ازاى تقدر تعمل تصميم دعائى من الاخر وتبقى مصمم دعائى جيد ان شاء الله

طبعا ده غير معلومات تانيه قيمه جدا عن اسلوب عمل مكاتب وشركات الدعايه وتفكير العملاء وازاى تعرف تتعامل مع اى عميل بمجرد انك تكلمه لمده دقيقتين بس وبعدها تعرف ازاى تعمله تصميم يعجبه اوى

وطبعا طرق الاشتغال فى شركات الدعايه وحتى كمان لو مش عاوز تشتغل عند حد وتبقى فرى لانسر يعنى تشتغل مع نفسك من بيتكم حعملك ازاى تعمل منها فلوس كويسه ان شاء الله

كل ده فى الكتاب الالكترونى ده

وعلى فكره

الكتاب الاليكترونى ده عباره عن كتابين

اول كتاب هوه عباره عن ازاى تعمل تصميم دعائى جيد جدااااااااااااا وحاخدك فيه من الصفر لحد الاحتراف ان شاء الله ايا كان مستواك سواء كنت مبتدأ فوتوشوب او محترف فوتوشوب وعمرك ما اشتغلت فى شركه وعاوز تشتغل بس ناقصك مهارات هامه فى التصميم التجارى

يعنى من الاخر حاخليك واثق من نفسك ومهاراتك وانت بتصمم ان شاء الله

يعنى تعرف ازاى تعمل تصميم كارت شخصى فى خلال عشر دقايق بالكتير

وازاى تعرف تعمل تصميم يافطه وتصميم بروشور مميز

وكمان حاعلمك الاصعب وهوه ازاى تعمل لوجو ويكون مميز مش اى كلام

وزى ما قولت

انا حعلمك كل ده ايا كان مستواك

سواء لسه متعرفش ايه هوه الفوتوشوب او بقالك عشرين سنه على الفوتوشوب بس عمرك ما اشتغلت فى شركه

تانى كتاب بقى هوه مكمل للكتاب الاولانى

يعنى حاعلمك ازاى بقى تقدر تشتغل بالمهارات اللى انت اتعلمتها فى الكتاب الاولانى

سواء كنت عاوز تشتغل فى شركه دعايه او مكتب دعايه او تشتغل وتسوق وتطبع مع نفسك او تشتغل وانت فى البيت او عاوز تفتح شركه خاصه بيك

حاوريك بكل تفصيل المراحل اللى بتعدى على تصميمك لحد ما يبقى مطبوع فى ايدك

ودى اسرار تجاريه هامه جدا جدا جدا ومش اى حد يعرفها

واللى عاوزيعرفها بيقعد سنه او سنتين يلف فى السوق جامد علشان يتعلم كل ده

وحعلمك ازاى تسوق نفسك وتجيب شغل وتطبعه انت بنفسك وبالتالى تكسب من فلوس التصميم وكمان فلوس الطباعه

يعنى كأنك شركه

بتجيب العميل

وبعد كده بتصممله ودى عليها فلوس

وبعد كده بتطبعله انت بنفسك يعنى بتقوم بكل المراحل بتاعه ما قبل الطباعه والطباعه وما بعد الطباعه لحد التسليم ودى اللى فيها فلوس اكتر

يعنى من الاخر مكسبك حيكون 100% من اى مطبوعات مطلوبه منك

حتاخد فلوس من التصميم اللى انت عملته ومن الطباعه اللى انت قومت بيها وكل ده وانت لا فاتح شركه ولا حاجه

وبرضه الاسرار دى مهمه جدا ليك لو انت معاك راس مال صغير وعاوز تفتح مكتب خاص بيك

وكمان الاسرار دى حتفيدك جدا حتى لو انت اشتغلت فى شركه لانك حتكون على علم ب اللى بيحصل للتصميم بعد ما تخصله وبالتالى حتبقى انت مميز عن غيرك من المصممين اللى معاك فى الشركه وبالتالى صاحب الشركه حيديك انت مهمات تجهيز الشغل للطباعه ودى عليها فلوس كمان

وبرضه لو انت مش عاوز كل ده وعاوز تشتغل مع نفسك فى البيت انا عندى الطرق الفعاله ليك واللى تقدر تعمل منها فلوس كويسه وانت فى البيت

يعنى دلوقتى انا فى الكتاب التانى حاديلك كل المعلومات اللى تقدر تجيب منها فلوس من التصميم

يعنى تقدر تشتغل فى كذا حاجه فى التصميم

اول حاجه تقدر تشتغل فى شركه وترقى نفسك فيها دايما

وفى نفس الوقت تقدر تعمل شغل مع نفسك من بره الشركه وتطبعه انت وتاخد فلوسه كامله

وفى نفس الوقت تقدر برضه تعمل شغل وانت فى البيت وتكسب منه حلو

كل ده فى وقت واحد

يعنى حيبقى ليك على الاقل تلت مصادر رزق من التصميم بسسسسسسسسس

يعنى كتابين تاخدهم من هنا وتقعد عليهم شهر وتذاكرهم كويس اوى وبعد كده انطلق بكل ثقه فى مجال الدعايه كأنك صاحب خبره خمس سنين

طبعا الكلام ده كله مش حيبقى مجانى للاسف

ليييييييييييه

سؤال وجيه جدا

حقولك ليه

لكذا سبب

اولا : المجهود الكبير اوى اللى حعمله وانا بكتب الكتابين دول

يعنى تخيل كتابين عن تطبيق الفوتوشوب فى الدعايه وعن طرق الكسب من تصميك بكل التفصيلات حيكون المجهود عامل ازاى
بالذات انى حاكتب الكتابين وانا حاسس بالمسئوليه الكبيره تجاه كل اللى حيشتريهم لانى عاوز اللى يشترى يستفيد جدا جدا جدا فبالتالى لازم اعصر دماغى واجيب كل المعلومات الممكنه وكل النقط الصغيره اللى بتفرق كتير وكل الصور اللازمه

ثانيا : لانى حاديك اسرار تجاريه وحط تحت كلمه اسرار دى مليون خط لان الحاجات دى عمر ما حد حيعلمهالك خالص ولازم علشان تتعلمها تنزل السوق وتجرب وتلبس شغل وتدفع فلوسه من جيبك وحتحصل معاك كذا مره علشان تتعلم فى حين انا حاديلك كل المعلومات دى يعنى حاوفر عليك انك تخسر شغل كتير علشان تتعلم وحاوفر عليك اللف فى السوق وحتبقى نقطه الانطلاق بتاعك متقدمه جدا فى حين انك بدأت من وقت صغير جدا

ثالثا : انك تقدر بعد ما تقرأ الكتابين دول انك تشتغل كويس جدا مع نفسك لو عاوز وتقدر تجيب تمن الكتابين من نص مكسب شغلانه واحده كويسه بدون مبالغه

رابعا : علشان انا فى الكتب دى حاجيبلك ناس متخصصه فى التصميم الدعائى واصحاب شركات حيكتبولك خبراتهم

لازم تعرف ان الكتابين دول مش طريقه لاستغلالك فى الكسب عن طريقك

انا يهمنى نجاحك انت اكتر ما يهمنى انى اكسب منك

لانك بكل بساطه تعتبر فى وشى

يعنى لو نجحت يبقى ده نجاح ليا

فبالتالى يهمنى جدا انك تنجح فى المجال ده وتيجى على الماسنجر تقولى انك شغال فى كذا وكذا وكذا دلوقتى وانك بتكسب فى الشهر مش اقل من 1000 جنيه كبدايه بس

حتقولولى طب ما انت بتكسب كويس فى الدعايه وليك شركتك ومش محتاج انك تكسب مننا بعد كل ده

حقولكم بكل بساطه ان الكتابين دول عباره عن اسرار والاسرار دى
مستحيل تتباع من غير مقابل ده غير انك لما تدفع مقابل يعنى كده ده تقدير منك للاسرار والمجهود اللى اتعمل

ده غير انك لما تشترى منى الكتابين حاعرف بالظبط مين اللى اشتراهم يعنى بالتالى حاقدر اتابعك كويس جدا لان عدد اللى حيشترى حيبقى فى النهايه محدود بالطبع

يعنى حيكون مش اكتر من خمسين شخص فى احسن الاحوال

يبقى بالتالى حقدر اتابعك كويس جدا لانى عارف ان معاك كتابى وانك مهتم وبتذاكر الكتاب حاليا

سعر كل كتاب مش حيقل عن خمسين دولار فى اغلب الاحوال

يهمنى اوى اعرف رأيكم بس يا ريت يكون رأى موضوعى مش مجرد هجوم وخلاص

اللى فى اخر الموضوع
Comment تقدر تقول رأيك عن طريق انك تضغط
وبعد كده حتلاقى مربع كبير على اليمين تقدر تكتب فيها الكومينت اللى انت عاوزه وفى الاخر تختار
Publish your Comment
واى زائر عادى يقدر يعمل كومينت يعنى مش شرط تكون مسجل فى ياهو او جوجل او بلوجر علشان تعمل كومينت
الكومينت هنا مفتوح لأى زائر
تقدر تضغط هنـــــــــــــــا علشان تكتب كومينت
مستنى رأيكم
وشكرا




25 comments:

  1. Rock on 25 September 2008 at 14:59

    فكرة رائعه بجديا استاذ شريف
    ربنا معاك ان شاء الله
    ويا رب الكتب دي تنزلها بسررعه قبل الامتحانات
    الف شكر علي مجهودك

     
  2. taha on 25 September 2008 at 15:02

    والله انا شايفه دا اقل حقوقك يا استاذ شريف بس طلب خليك رحيم شويه في سعر الكتابين لان اغلب اللي هيطلبوه هيكونوا لسه ناس بتتدور على شغل يعني مأشفره ههههههههه ومستنين الكتابين بفارغ فارغ الصبر وياريت انهردا او دلوقتي لاني في اشد الحاجه ليهم وجزاك الله خيرا

     
  3. Sherifer921 on 25 September 2008 at 15:33

    يا طه الموضوع مش موضوع حقوقى انت كده بتحسسنى انى بستغلكم
    انا من اول ما كتبت الموضوع وانا مش عاوز اربح حاجه منه ده كفايه انى اتعرفت عن طريقه على ناس فى قمه الاحترام
    الحكايه بس ان الكتابين بالاضافه الى الاسباب اللى ذكرتها حياخدوا منى كمان فلوس ووقت ومجهود
    بالنسبه للاسعار هوه ممكن اول كتاب اللى سعره ينزل شويه لكن تانى كتاب مينفعش خالص ده بالعكس المفروض يبقى اغلى من كده لان حيبقى فيه اسرار تجاريه رهيبه علشان تعرفها لازم تنزل السوق وتجرب وتخسر شغل علشان تتعلمها فى حين ان انا حاوفر عليك كل ده

     
  4. fahad on 25 September 2008 at 20:09

    استاذ شريف فكره رائعه
    اويدك عليها بشده
    وانا احد طلابك الذين ينتظرون هاذي الكتب
    ---------------------

    ممكن اذا عندك دراسه جدوئ اقتصاديه لبد مشروع وكاله دعايه واعلان ترسلها علئ
    fahd801@hotmail.com

     
  5. taha on 27 September 2008 at 19:55

    اتاخرت علينا يا استاذ شريف جدا

     
  6. Sherifer921 on 27 September 2008 at 22:08

    اتأخرت فين يا طه ؟
    انا مقولتش ان الكتابين جاهزين
    لسه فى مرحله التحضير
    انا قولت بس اخد رأى الناس

     
  7. taha on 28 September 2008 at 05:16

    يا راجل ههههههههههههه

    ربنا يقويك يا استاذ شريف وفي انتظارك

     
  8. mohamed on 28 September 2008 at 15:58

    فكره جامده جدا جدا جدا واحنا كلنا مستنين الكتابين ينزلو بسرعه وزى ما قالى الاهخ taha خليك حنين شويه فى سعر الكتب علشان احنا بجد ماشفرين على الاخر هههههههه
    يلا بالتوفيق

     
  9. feras on 29 September 2008 at 07:40

    السلام عليكم ممكن اعرف هل الرزليوشن يتغير بتغير طول وعرض اليافطة

     
  10. Sherifer921 on 29 September 2008 at 19:01

    الريزليوشن واحد يا فيراس فى كل اليفط وهوه 72 مهما كانت الابعاد سواء كانت اليافطه صغيره اوى او كبيره اوى

     
  11. Anonymous on 1 October 2008 at 09:33

    لاشك انها فكرة رائعة جداً
    وانا أقدر مجهودك الكبير ونشد على أياديك فهذا العمل
    ولكن انا من فلسطين كيف لي أن أوصل لك المبلغ؟
    هل عن طريق حوالة بنكية ام ويستن يونيون؟
    وضروري جداً أخي أنك تراعينا في السعر
    يعني حيكون السعر تقريباً 350 شيكل
    وهاد مبلغ كبير بالنسبة لشباب متلنا
    تحياتي

     
  12. Sherifer921 on 1 October 2008 at 11:54

    دلوقتى انا فى مرحله كتابه الكتابين واعداد المحتوى ومراجعته تفاديا لاى اخطاء
    مع العلم انى حاقوم بمراجعه الكتابين مش اقل من خمس مرات الاول قبل ما ابيعه
    انتوا امانه فى رقبتى يا جماعه
    بالنسبه للسعر نبقى نتكلم فيه بعد ما اخلص الكتابين ان شاء الله وربنا يقدم اللى فيه الخير
    واهلا بالاخ الفلسطينى وبنسبه لتحويل الفلوس دى سهله اوى عندك ويسترن يونيون احسن شركه تحويل اموال
    والسعر برضه زى ما قولتلك حتتظبط ان شاء الله
    يا جماعه انا عاوزكم تعرفوا حاجه مهمه جدا
    وهيا ان الموضوع مش انى اكسب منكم
    الموضوع زى ما قولتلكم ان الاسرار التجاريه دى مينفعش تطلع ببلاش بتاتا
    يعنى دلوقتى اى مبتدأ عاوز يدخل المجال ويبقى محترف فيه
    مع الاسرار التجاريه دى انا باحطه فى مرحله متقدمه يبدأ منها شغله وبعد كده يبنى هوه خبراته الخاصه اللى بعد المرحله المتقدمه دى
    بعكس ان حد يبدأ من الصفر ويقعد تلت سنين على ما يقدر يدخل المرحله المتقدمه اللى انا عاوز احطكم فيها
    اتمنى تكونوا فهتمونى
    وشكرا لكل من اهتم وتابع دروسى

     
  13. feras on 2 October 2008 at 15:14

    انا حاب اشتري الكتابين بس انا من ليبيا كيف ممكن احصل عليه والفلوس مش مسكلة بأذن الله ياريت ممكن نلاقي اي حل عشان احصل عليه والله انا اريده وهل هو يبدأ من الصفر حتى الأحتراف؟؟؟
    والله ياريت اقدر احصل عليك وشكرا لك اخي شريف على المعلومة للريسلويشن بس الألوان في اي ملاحظة عليها بالنسبة لليفط؟

     
  14. Sherifer921 on 2 October 2008 at 16:10

    اهلا بيك تانى يا اخ فيراس
    بالنسبه للكتابين انت حتسجل معايا اسمك وانا حبعتلك رابط للتحميل
    والتحميل حيكون من على سيرفر خاص بيا لاعتبارات الامان طبعا
    بالنسبه لنقطه من الصفر للاحتراف
    طبعا هوه من الصفر لحد الاحتراف وانا قولت انى حابدأ مع المصمم مهما كان مستواه لحد ما احطه على طريق الاحتراف ان شاء الله
    بالنسبه لليفط الاحسن تكون بنظام الوان CMYK

     
  15. Anonymous on 2 October 2008 at 22:09

    يااستاذ شريف
    بلا شك انه مجهود رائع تستحق عليه اكثر مما حددت
    ...
    ولكى اكون صريح معك انا ارغب وبشدة في الحصول على هذين الكتابين
    ...
    ولكن للأسف الشديد لن أحصل عليهما
    وغيري الكثيرين
    ...
    لأن بصراحة سعرهما جامد قوى على شاب مصري بيحاول يبدأ الخطوة الأولى فى الحياة واكيد انت عارف يعنى ايه شاب مصري مابيشتغلش !!!
    ...
    لذا أقترح أن تعرض الكتابين معاً بمبلغ 100 جنيه مصري على الأكثر
    بالإضافة لدعواتك المستديمة للإخوانك من شباب مصر
    ...
    وإذا قلبك حن انا منتظر الكتابين
    كما أعرض عليك عرض اخر ان تكون شريك لمن يرغب في بدء مشروع مكتب دعاية وإعلان
    وانا اعرض عليك المشاركة في مكتب نؤسسه في محافظة بني سويف

     
  16. Anonymous on 2 October 2008 at 22:42

    قلت فى المدونة

    " بالتالى ازاى يبقى 550 جنيه تمن الكتابين غالى ؟؟؟؟؟
    وبرضه انا مش احب انى اتخلى عن الناس اللى عاوزه تتعلم ولسه مبتدأين وعاوزين يتعلموا وعلشان كده انا بقولهم كفايه تاخدوا اول كتاب بس فى المرحله اللى انتوا فيها دلوقتى
    يعنى انت كمبتدأ وعاوز تتعلم وتشتغل فى شركه كفايه عليك دلوقتى الكتاب الاولانى بس وفيه حتتعلم التصميم الدعائى كله وازاى تعدى التيست بأعلى مرتب
    بعد كده لما تشتغل ان شاء الله وتقبض وتشوف ثمره الكتاب الاولانى عباره عن فلوس بدأت تدخل جيبك ساعتها تعالى
    اشترى منى الكتاب التانى

    .....
    لذا أرى انك مصمم على بيع الكتابين بمبلغ 110 دولار أي 600 جنيه مصري
    ....
    ولكنى ارجوك ان تنزل بسعر الكتاب الأول لحدود التكلفة وهامش ربح بسيط حتى يتسنى لنا الحصول عليه والبدء فى العمل ثم يمكننا الحصول على الكتاب الثانى بالمبلغ الذى تحدده مع الرأفة بنا

    .....
    علما اننى لا أفاصل معك فى السعر لأننى اعلم ان الكتابين لا يكفيهما اية مبالغ ولكنى اعلم ان كل من كتب لك يرغب وبشدة في الحصول على هذا الكتاب
    وارجو ان ترجع الى الوراء قليلا عند بداية عملك فى هذا المجال
    وضع نفسك مكاننا الآن
    وشكرا
    اكرم
    .....
    بني سويف

     
  17. feras on 4 October 2008 at 11:55

    اهلا اخي شريف ها ان فراس من جديد
    السلام عليكم ورحمة الله زبركاته
    انا اريد ان اسجل بس بالنسبة للدفع ادفع ازاي ؟
    انا حنزل الكتابين وادفعلك ازاي؟
    واي حاجة تاني مش مشكلة ودا الايميل بتاعي

    atanish1@yahoo.com
    وشكرا

     
  18. Anonymous on 17 November 2008 at 06:27

    حرررررررررررررررررررررام

    كتييييييييييييييييير

     
  19. Anonymous on 14 December 2008 at 18:03

    طبعا احنا بنشكرك على الفكرة الهايلة ده وعلى المجهود اللى انت بتقوم بيه وانا حابه انى اكون معاك واستفيد من كل اسرارك ومعلوماتك ومستنية الكتب على احر من الجمر وادعو الله ان يوفقك فى اعدادهم وان يكرمك ويجازيك عنا خير لكل ما تفعله من اجلنا

     
  20. Sherifer921 on 15 December 2008 at 03:20

    طبعا احنا بنشكرك على الفكرة الهايلة ده وعلى المجهود اللى انت بتقوم بيه وانا حابه انى اكون معاك واستفيد من كل اسرارك ومعلوماتك ومستنية الكتب على احر من الجمر وادعو الله ان يوفقك فى اعدادهم وان يكرمك ويجازيك عنا خير لكل ما تفعله من اجلنا

    اهلا بحضرتك وبالنسبة للكتب ف تم طرح اول كتاب وهو احتراف التصميم الدعائى منذ اكتر من شهر
    تقدرى تشوفى الصفحه الخاصه بالكتاب من اللينك ده
    www.rev-recordz.com

     
  21. أبو زكريا on 11 February 2009 at 01:17

    أستاذ شريف
    شكراً شكراً شكراً شكراً
    على هذا الكم الهائل من المعلومات وأنا كتبت هذة الرسالة إلا بعد ما قرأت الي كتبتة في عدة نواحي من قسم الإعلان أرجوا أن أتواصل معاك لأني أريد الكتاب منك ضروري لأنة مهم بالنسبة لي

     
  22. Sherifer921 on 11 February 2009 at 01:56

    شكرا استاذ ابو زكريا على اطراءك
    على العموم ده ايميلى
    sherifer921@hotmail.com

     
  23. ghwil2000 on 14 May 2010 at 07:06

    الاخ العزيز/ الاستاذ شريف
    شكرا على مجهودك العظيم ولو انا عايز الكتاب الثانى الخاص بالتسويق فكم سعره فى الوقت الحالى وازاى اشتريه
    اخوك /أشرف غويل
    مصمم جرافيك

     
  24. ahmed on 30 March 2011 at 17:10

    thanks

     
  25. عبدالغني المثالي on 23 August 2013 at 19:50

    الف شكر على المجهود الرائع