تعالى نشوف تطبيقاتك

بواسطة Sherifer921 | 07:05 في |

تعالى نشوف تطبيقاتك

السلام عليكم ورحمه الله وبركاته


اخواتى الاعزاء المتابعين معايا
طول الفتره اللى فاتت كانت كلها دروس دروس وبس وقليل جدا تطبيقاتأ النهارده عاوزين نشوف تطبيقات بقى
نتكلم شويه عن اهميه التطبيقات
دلوقتى انت واحد او واحده بتتعلم تصميم تجارى بالتالى انت مش معقول حتقعد تتعلم كل يوم من غير ما تبدا تنفذ ولو اى حاجه بسيطه فى الاول تعرف بيها انت وصلت لحد فين فى الموضوع
ودى اهميه التطبيق
انك تعرف مستواك حاليا عامل ازاى وبالتالى تقدر تقيم نفسك اذا كنت طول الفتره اللى فاتت بتتعلم صح وبتركيز او كنت مشتت او كنت مش مهتم او او او ...... وهكذا
فيه ناس كتير للاسف بتتكسف تعرض تصميماتها
علشان بيقولوا انهم لسه فى الاول ومحرجين يعرضوا تصميماتهم
انا بقولكم اوعى تكون محرج تعرض تصميماتك وانت فى الاول
هنا كل الناس جايه تتعلم وتتعلم وتتعلم علشان تقدر تشتغل فى شغلانه مركز الادبى عالى مش جايين يلعبوا ويهزورا ويتريقوا على تصميمات بعض
يعنى طالما انت فى الاول يبقى انا مش متوقع منك تصميم خرافى يا معلم بس عاوز اعرف انك اتقنت دروسى لاى درجه علشان اديك مجموعه ملاحظات تقدر تستفيد بيها قدام ومع الوقت والتطبيق اقدر اقولك انزل روح قدم فى اى شركه دعايه واعلان
يا جماعه الهدف من الموضوع ده انى اقدر احطهم على الطريق الصح للبدء فى الشغل فى اى شركه دعايه
عاوز اشوفكم كلكم بقيتوا شغالين فى شركات ومكاتب وليكوا اعمال بتتطبع كل يوم
يا ريت تساعدونى على كده
تساعدنى ازاى
هوه انك تورينى تطبيقك
مهما كنت انت شايف مستوى التطبيق ده
مهماااااااااااااا كااااااااااااااااان
هاته وانا حقولك ايه مميزاته وايه عيوبه
انت مش حتفضل مخبى تطبيقاتك طول عمرك
لازم فى يوم من الايام تبدأ عمليه عرض التصميمات
واحتمال كبير اوى يوم ما تبدأ عرض تصميمات حيكون على اصحابك اللى بالتالى حتسمع منهم التريقه
لكن لما تعرض تصميماتك على واحد زيى عايز يعلمك حتستفاد اكيد ان شاء الله
مستنى اشوف تطبيقاتكم وانا متابع معاكم هنا اول بأول سيب تطبيقك وانت شاء الله فى خلال ساعات معدوده ( ده ان مكانش فى خلال ساعه ساعتين ) حقوم بتقييم تصمميك واقولك نقاط القوه والضعف فيه علشان تستفاد وتتعلم وتتلافى اخطاءك فى المرات اللى بعديها بالتوفيق للجميع ان شاء الله

شريف عبد الهادى
مدير اكاديميه الدعايه والاعلان

3 comments:

  1. شادي أبو شمعة on 16 September 2008 at 13:49

    مرحبا
    أول شي بحب أشكرك من كل قلبي على الجهد الكبير الي بذلته لكي نتعلم هذه الأمور
    وأود أن أطلعك على تصميم قمت به
    الوقت المستغرق: 15 دقيقة
    وانا اليوم قرأت كل المقالات ولست متابع قديم
    هذا هو التصميم وهو عبارة عن يافطة
    http://www.khadoori.com/forum/uploaded/1_abu-shama.jpg

     
  2. Sherifer921 on 17 September 2008 at 12:44

    اهلا بيك يا شادى معانا
    بالنسبه لليافطه
    الوان الارضيه جميله جدا
    وتوزيع البيانات واحجامهم ممتاز والتصميم سمبل وبسيط
    بس لو الارقام واسم الموقع والايميل عملت ليهم شاود اسود حيبقى احسن واوضح لليافطه لما تتعلق وكمان مفيش داخل للخط اللى بين التليفونات والموقع
    بس عامه التصميم ممتاز وبسيط والوانه جميله
    بالتوفيق دايما ان شاء الله ومستنى اشوف منك تطبيقات تانيه ونورت المدونه

     
  3. Sherifer921 on 17 September 2008 at 12:50

    AssiR said ده تطبيق الاخ
    http://img58.imageshack.us/img58/3706/38258307dl7.jpg

    حبيت انقله هنا علشان انا عامل التوبيك ده لكل التطبيقات
    وتعليقى عليه :
    اهلا يا اسر ونورتنى
    بالنسبه للكارت
    هوه ليه بس انت عارفين كيرفات وارضيه تانيه ورا الكارت
    هل انت قصدك ان الكارت هوه اللى فوق الارضيه؟
    عموما حتى لو هوه اللى فوق الارضيه بس احب اقولك انه ممكن يتطبع ويتقص كده عادى بس التكلفه حتزيد شويه
    نتكلم عن الكارت
    اكتر حاجه لفتت انتباهى توزيع البيانات الجميل ده اللى موضح كل البيانات اللازمه بحيث اللى يمسك الكارت يعرف على طول صاحب الكارت عاوز يقول ايه
    والخلفيه برضه كويسه
    بس انا عن نفسى شايف ان بلاش البنفسج
    بيخلى التصميم مكتوم شويه من وجهه نظرى بس هوه مش وحش بس جرب كده الازرق مثلا
    عموما التصميم كويس ومستنى منك تطبيقات تانيه