انواع الطباعه فى شركات الدعايه والاعلان

السلام عليكم ورحمه الله وبركاته


انواع الطباعه فى شركات الدعايه


والاعلان


لاحظت فى الفتره الاخيره اهتمام كبير جدا من ناس كتير باليفط الاعلانيه وعلشان كده انا عملت الموضوع ده علشان احاول انى ابسط لهم الموضوع على قد ما اقدر

والموضوع ده عباره عن تجميعه لدروس عن اليفط الاعلانيه موجوده على الانترنت وانا قمت بتجميعهم وبالاضافه اليهم علشان اخرج لكم موضوع متميز ان شاء الله مع العلم انى برضه باجهز دروس تانيه عن باقى انواع الطباعه زى الطباعه الان دور وفصل الالوان والسلك سكرين

فيه عده انواع من الطباعه لازم المصمم الدعائى يكون عارفهم لان دول هما اللى كل شغله حيطبع بطريقه منهم والنوع اللى حنتكلم عنه النهارده هوه الطباعه الاوت دور

طباعه خارجيه ( ( out door اوت دور


وهى احدث طباعه فى المجال ده وأهم خصائها هى :

- جوده الطباعه بها حتى 150 بكسل/انش ( المكن اللى موجود فى مصر اخره يطلع 72 بكسل / انش بجوده عاليه لكن لو اعلى من كده متضمنش حتبقى الطباعه عامله ازاى )

- طباعه زيتيه بالوان CMYK

- تطبع ابعاد كبيره جدا تصل ل 10 متر عرض فى 100 متر طول ( المكن اللى موجود فى مصر حاليا اخره سبعه متر عرض )

- تتحمل العوامل الجويه من شمس ورطوبه وغيرها

- الماكينات مثل : فيوتك ( امريكية الصنع افضلهم في غالبية الخصائص ) ...صالصا ( اسرائيلى وللأسف تعادل الفيوتك في جودتها ....ووللأسف الاكبر تتواجد عند بعض الشركات في مصر ولبنان )...(رولاند (المانية الصنع.. افضلهم في جودة الطباعة ...و دي جي آي ( كوري واكثرهم انتشارا في السوق المصرية وافضلهم في قوة التحمل والعمر الطويل )

- وهناك ماكينات صينية ضعيفة الجودة زهيدة السعر مثل انفنتي ....واتش بي للاوت دوور

نتكلم بقى عن الخامات :

الخامات فى الاوت دور بتبقى كالاتى :

- الفلكس : مادة بيضاء تميل الى الزرقة ...لدنة مصنوعة من المطاط وبعض المنتجات البترولية وتكون مدعمة بداخلها بنوعيات من المعادن على هيئة خيوط
يعتبر الفلكس من اقوى وامتن خامات الطباعة حتى وقتنا الحالى ....ويتميز بالتالي
:
مقاومته للشد والضغط - مقاومته للعوامل الجوية في
كل الظروف - نصاعة بياضه - نفاذيته للاضاءة بجميع انواعها ( والنقطه دى مهمه جدا انكم تعرفوها لان لو اتطلب منك تصميم يافطه وحتتركب فى شاسيه ووراها اضاءه يبقى لازم الخامه تكون فلكس - امكانية تثبيته بالمسامير

- البانر : مادة بيضاء .....توصيفاتها مثل الفلكس تماما ......عدا انها تقل عنه في التالي
عدم مقاومته للعوامل الجوية زى الفلكس
مش زاهى زى الوان الفلكس – مينفعش نهائى الضوء يعدى منه ( علشان كده لو اتطلب منك تصميم يافطه ومش حتبقى الاضاءه من وراها يبقى تطبع على خامه بنر )

- الفينيل : مادة لاصقة مختلفة الألوان .....ولكن مش زى الاستيكر حيث قوة لصق الفينيل اعلى قوة تجدها في لصق بلاستيكي حيث انها عندما تلصق على صاج او معدن لا تفك الا بالبلاور ( الحارق الناري ) وللفينيل عدة استخدامات في مجال الاعلانات غير الطباعة....فمن الممكن ان يصمم تصميمات واير بواسطة الكورل او الاليستراتور ويصدر التصميم الى ماكينات الكاتر بلوتر "cutter ploter " فتقطعها الى كلمات واشكال تلصق على الفليكس والبانر مثال على ذلك اعلانات شركات موبينيل وفودافون والاتصالات وغيرها من شركات المحمول

ده كان درس النهارده عن الطباعه الاوت دور

وبرضه خلى بالكم من نقطه نفاذ الضوء

لو اتطلب منك تصميم ليافطه واليافطه دى مش حيبقى تحتيها لمبات مثلا يبقى تطبعها بانر والعكس لو حيبقى تحتها لمبات يبقى تطبعها فيلكس

والتصميم دايما يكون بريزليوشن 72 على الفوتوشوب

واستنوا كمان الدروس الجايه حتكون عن الطباعه الان دور وفصل الالوان وطباعه السلك السكرين

واى استفسار اتفضوا قولوه وانا حاجاوب فى اسرع وقت ممكن ان شاء الله

وبالتوفيق للجميع

وشكرا

شريف عبد الهادى

مدير اكاديميه الدعايه والاعلان



19 comments:

  1. Ahmed Elshwa on 3 September 2008 at 07:25

    الله ينور عليك يا شريف بجد درس جميل جدا وانا استفدت منه اوى وبجد حاجات اول مرة اعرفها واسمع عنها ربنا يوفقك فى باقى الدروس ان شاء الله

     
  2. Sherifer921 on 4 September 2008 at 05:46

    اهلا بيك يا احمد وكويس انك استفيدت معاناوان شاء الله فى تكمله لبقيه انواع الطباعه

     
  3. Anonymous on 20 September 2008 at 07:48

    ميه ميه يا معلم

     
  4. Anonymous on 28 December 2008 at 02:24

    الله ينور عليك
    انا عرفت كدة
    حلو اوى

    بس فى استفسار

    يعنمى اية بروشور - وفى حاجات تانية مش فاكر اسمها اية

     
  5. Sherifer921 on 28 December 2008 at 04:53

    البروشور ده او البانفلت عباره عن زى مجله بس على صغير
    ورقه واحد متقسمه على اتنين او تلاته وبيطبقوها

     
  6. Anonymous on 7 March 2010 at 14:03

    جزاكم الله خيراولكن اريد نصيحتكم بخصوص مشروع الطباعة على القلكس والبانر والفينيل

     
  7. Anonymous on 7 March 2010 at 14:05

    جزاكم الله خيراولكن اريد نصيحتكم بخصوص مشروع الطباعة على القلكس والبانر والفينيل
    fm@mfsico.com
    moussa

     
  8. Anonymous on 28 May 2010 at 04:29

    شكور علي الدرس الرائع

     
  9. Anonymous on 13 November 2011 at 14:05

    لو سمحتوا ...افيدونا افادكم الله
    عندى مكنه صينى اوت دور حيرتنى وزهقتنى وخنقتنى ..بتطلع الوحات مخططه والخطوط بتظهر اكتر فى الوشوش فى الصور وحاولت معاها بكل الطرق لدرجة ان المهندس نفسه اللى جاى من الشركه ماعرفش بردو يعملها حاجه .. ..ارجوووووووكم شوفلنا حل .

     
  10. Anonymous on 9 March 2012 at 01:57

    طب فين دروس الاين دور وفصل الالوان والسيلك سكرين

     
  11. محمود الجابري on 12 March 2012 at 18:05

    بسم الله الرحمن الرحيم

    اخي هل الريزيليوشين في كافة تصميم اليافطات 72 . . ؟

     
  12. Anonymous on 11 April 2012 at 07:06

    السلام عليكم ورحمة الله وبركاته انا ملك مصممة جرافيك عندي سؤال توجد في بعض كتيبات شركات مستحضرات التجميل الورق الداخلي يحتوي على منطقة دائريه مكتوب عليها خربش وشم رائحة العطر بجانب صورة العطر .سؤالي هو ازاي بيتم وضع العطر ومش بشم رائحته الا عند خربشته ارجو افادتي بالمعلومة وشكرا لكم

     
  13. Anonymous on 30 July 2012 at 15:33

    اللله يبارك لك يا استاذ شريف

     
  14. anas on 8 September 2012 at 03:04 This comment has been removed by the author.  
  15. anas on 8 September 2012 at 03:10 This comment has been removed by the author.  
  16. mahmoud elzedy on 23 April 2013 at 14:06

    لو سمحت عاوز شرع اذاى اصمم استيكرات تطبع فينيل وتتقطع كتر بلوتر

     
  17. fanar on 30 April 2014 at 09:28

    بس التصميم بريزولوشن 300 لشو بنستخدمو استاذ ؟

     
  18. Dani ibrahim on 3 September 2015 at 06:22

    ما نوع المادة التي يصنع منها الاعلان على المطاعم ومحلات الحلويات الخ....

    وشكراًعلى هالمعلومات الممتازة

     
  19. Unknown on 17 June 2016 at 03:19

    لو سمحت مختاج اماكن بيع الخامات دى وخاصه خامه الديسكور