السلام عليكم ورحمه الله وبركاته

ده اول درس جديد ليا هنا والدرس ده انا مش حطه غير هنا وبس وكل الدروس الجديده حتبقى بنفس النظام ان شاء الله

انا حتكلم فى الدرس ده عن حاجه مهمه جدا

الحاجه دى هيا لو انا دلوقتى راجل مبتدأ ومعرفش اى حاجه خالص عن التصميم ولا الطباعه ولا اى حاجه فى الدعايه بس عاوز اشتغل فيها لانى المجال ده بيشدنى اعمل ايه

السؤال ده اتعرض عليا كتير جدا

لان فيه ناس كتير جدا برضه نفسها تشتغل فى الدعايه بس لسه مبتدأين

لو انت راجل مبتدأ ومتعرفش اى حاجه فى الدعايه لازم من دلوقتى تحاول تحدد هدفك

هل انت عاوز تبقى مصمم جرافيك وبس فى شركه دعايه

ولا عاوز بجانب انك مصمم انك تقدر تطبع تصميماتك وتسوقها وتبيعها بعد كده

ندخل فى اول مرحله وهى انك تبقى مصمم

التصميم الدعائى عامه بسيط ومش محتاج عقليه جباره ولا حاجه

ممكن تبدأ بتعلم برنامج الفوتوشوب

والفوتوشوب على فكره سهل جدا جدا جدا فى حد ذاته كتعلم البرنامج والادوات

لكن المشكله بعد كده هيا فى التطبيق

يعنى لازم تعرفوا ان اسهل مرحله فى الدعايه هيا تعلم الفوتوشوب

بجد دى اسهل مرحله على الاطلاق

اللى اصعب منها بقى هيا مرحله التطبيق

مرحله التطبيق دى بقى بتكون بعد ما بتجيد البرنامج وتمسكه فى ايدك كويس

ساعتها حتقدر تلعب بيه

نيجى للتطبيق

التطبيق بيتطلب منك انك تشوف شغل غيرك علشان تتعلم

تشوف ايه الافكار

تشوف ايه الحاجات اللى عجبتك وتتعلم منها

تنمى معرفتك بتصميمات غيرك

وبعد كده تبدأ تطبق انت وتشغل مخك

ساعتها حتلاقى نفسك بتعمل تطبيقات كويسه جدا وفيها ملامح تفكيرك بجانب اللى انت اتأثرت بيه

كده انت بقيت على اول السلم

نتكلم عن المرحله الاصعب

بعد ما خلاص انت اتعلمت البرنامج وحطيت رجلك على اول سلم فى التطبيق

لازم بعد كده تطبق كتير جدااااااااااااا ولكافه المستويات

يعنى تعمل تصميمات تجاريه للميكانيكى والبقال ومراكز بيع الكمبيوتر والسيارات وشركات الملاحه والتوكيلات وهكذا ......

كده انت حتدخل فى مرحله التنويع

بمعنى انك تقدر تصمم اى شغل يتطلب منك على الاطلاق

يعنى التصميم اللى البقال او الميكانيكى عاوزه انت تقدر تطلعه بالشغل اللى صاحب الشغل عاوزه وباقل مجهود

والتصميم اللى عاوزه توكيل السيارات او شركه الملاحه حتعمله على اعلى مستوى وبمجهود مش كبير

وكل ما تطبيقاتك تزيد كل ما ثقتك فى نفسك حتزيد اوى

حتبقى قاعد كده وبتصمم اى شغل وانت مغمض

مع الوقت حتلاقى مستوى شغلك بيتطور وانك بتشتغل فى شركات مستواها اعلى وبالتالى مستوى عملائها اعلى

يعنى الشركات اللى انت فى الاول لما كنت شغال فيها وكان بيتطلب منك تصميمات للميكانيكى والبقال مع الاحترام للميكانيكى والبقال

الشركات دى انت حتسيبها وتشتغل فى شركات اعلى ومستوى عملائها اعلى

بالتالى مش حتاخد غير على الشغل العالى وبس

كده انت بقيت مصمم دعائى ممتاز واى شركه دعايه كبيره تتمنى انك تشتغل معاها

تانى مرحله بقى هيا مرحله ازاى تتعلم تطبع شغلك

المرحله دى كمان صعبه جدااااااااااااااااا

لان لازم تبقى عارف الطباعه ماشيه ازاى

لازم تبقى عارف التصميم اللى انت بتخلصه بيعدى عليه كام مرحله لحد ما يبقى مطبوع على ورقه

وطبعا علشان تعرف كل ده لازم تدخل فى الواقع العملى

وتسأل كتير وتلف كتير وتلبس شغل كتير

كل ده علشان تتعلم

بس لو وصلت للمرحله دى

انك تطبع شغلك بنفسك

وكمان تنفذ شغل لعملاء مع نفسك

من اول التصميم مرورا بالطباعه واخيرا تسليم الشغل واستلام الفلوس

كده انت بقيت بتضيف عائد زياده فوق العائد اللى بيدخلك من شغلك فى التصميم

فيه ناس بتختار انها تبقى من المصممين وبس وبيقولوا علشان اقدر اركز واعمل سوق لتصميماتى

وفيه ناس بتختار انها تشتغل فى الاتنين ودى اللى طموحها عالى

هنا فى المدونه حنتكلم عن كل دول بالتفصيل ان شاء الله فى الدروس الجايه

اتمنى انى اكون جاوبت على استفسار اى حد مبتدأ

وخليكوا متابعين دايما معايا علشان فيه دروس متجدده على طول ان شاء الله

وبالتوفيق للجميع

وشكرا

5 comments:

  1. Ahmed Elshwa on 30 August 2008 at 09:27

    بالتوفيق يا شريف وانا متابع معاك ان شاء الله كل الدروس بس اول ماخد يوم اجازة هظبط كل التطبيقات وابعتها مرة واحده وبعدين انا مش عايزك تزعل من قله الردود نظرا ان المدونة دى لسه جديدة وان شاء الله هتبقى من أشهر المدونات

     
  2. Anonymous on 30 August 2008 at 19:14

    السلام عليكم بجد كلام مقنع جدا ويارب كل واحدفى المجال ده يستفيد بس مجال الجرافك اى حد بيشتغل فيه بس بعد كده مين اللى هيكمل المشوار وربنا يكرمنا كلنا ع فكره انا كنت شغال فى شركه ضخر وكنت فى قسم الجرافك وحصل مشاكل فى الشركه ولحد دلوقتى مش لقى مكان كويس فى شركه ع الاقل زى اللى كنت فيها اتمنى الرد لو فى فرصه عمل معاك وشكرا مستنى ردك

    hanyfox2000@hotmail.com
    http://up5.m5zn.com/v54ri94la7nv/C.V.doc.htm

    works


    photoshop

    http://up5.m5zn.com/photos/00065/zj2wvfi6ayf6.jpg

    http://up5.m5zn.com/photos/00065/8jkqwnzpa585.jpg


    http://up5.m5zn.com/photos/00065/a7ii77lt1tmq.jpg


    http://up5.m5zn.com/photos/00065/u000s60on4e7.jpg

    http://up5.m5zn.com/photos/00065/3u5355us4d8q.jpg


    http://up5.m5zn.com/photos/00065/apfgrrkgrmjj.jpg

    http://up5.m5zn.com/photos/00065/8nmdipqrffhu.jpg

    http://up5.m5zn.com/photos/00065/aq077pwal2ml.jpg

    http://up5.m5zn.com/photos/00065/6326obycs3ec.jpg

    http://up5.m5zn.com/photos/00065/q92p7b6upfnx.jpg

    http://up5.m5zn.com/photos/00065/wmvksmwnrkn1.jpg


    Flash


    http://up5.m5zn.com/h61p6ruyi48m/1_etsla.swf.htm

     
  3. Sherifer921 on 31 August 2008 at 05:12

    اهلا بيك معانا هنا اولا
    بص بقى يا ريس
    بالنسبه ل انى اشوفلك فرصه عمل معايا ف انت لازم تعرف ان انا من اسكندريه ومكتبى فى اسكندريه
    غير كده
    لو انت من القاهره
    طب ما عندك شركات دعايه كبيره وكتير جداااااا تقدر تقدم فى اى واحده فيها والساليرى بتاعك مش حيقل عن 1000 كبدايه وقابل للزياده
    فيه شركات كمان للطباعه الديجيتال تقدر تشتغل فيها برضه وبنفس الساليرى المبدأى ده والشركات دى بتبقى قمه فى التنظيم برضه
    بجد القاهره فيها شركات كبيره وفيها فرص عمل كتير للمصممين بعكس اسكندريه
    يعنى فى اسكندريه مثلا الشركات النضيفه اوى موجودين على سبيل الحصر ويتعدوا على الصوابع
    لكن فى القاهره عندك الفين شركه
    مستنى ردك برضه
    وشكرا

     
  4. Anonymous on 14 September 2008 at 08:04

    سلام عليكم و رحمة الله تعالى و بركاته انا أسمي حسن من المغرب و بأشتغل في شركة دعاية حوالي 4شهور يعني ليسة مبتدء يعني انا ليس مبتدء و عاوز اشكرك على المدونة دي علشان انا استفدة كتيرا و عاوز اكون من تلاميذتك و شكرا و هدا عنواني : stepster@hotmail.fr
    @+

     
  5. Anonymous on 15 June 2011 at 05:27

    السلام عليكم
    شفت موضوع حضرتك في الديفيدي
    لكن لقيته كامل
    وبعدين ببص على صور للبروشور
    عشان أنفذ آخر درس
    لقيت حد واخد صورتك وبيشرح عليها
    وكمان واخد دروسك
    وانت قلت انك مش موافق ان حد ياخدها
    لسة كنت هادخل أديله كلمتين
    لقيته حضرتك

    إن شاء الله هانتظم مع حضرتك
    وأنزل تطبيقاتي تصلحها

    جزاك الله خيرا