تمهيد بسيط جدا لفكره الدعايه
بسم الله الرحمن الرحيم

نبتدى موضوعنا على بركه الله
أولا يا جماعه علشان تكون مصمم جرافيك ناجح فى شركه دعايه واعلان لازم يكون عندك فكره عن الدعايه والاعلان قبل ما تتقدم لاى شركه لان ده اول سؤال بيتوجه ليك من مدير الشركه لما بتروح تتقدم وكمان مش معقوله ان شركه دعايه تشغلك مصمم اعلانى عندها وانت متعرفش يعنى ايه دعايه ويعنى ايه اعلان
علشان كده اول جزئيه حنبدأ بيها هيا التعريف بالدعايه والاعلان لان الجزئيه دى مهمه جدا لاى مصمم اعلانى والجزئيه دى لو استوعبتها كويس وفهمتها جامد حتأثر عليك بعد كده فى شغلك وحتفرق معاك جامد بجد وانتوا حتحسوا بكده لما ندخل فى باقى الجزئيات التانيه ان شاء الله
ايه هيا الدعايه والاعلان ؟؟؟؟؟
ناخد المعنى العام للعباره وهوه ( الاعلان )
الاعلان ده يا جماعه زى ما موسوعه ويكيبيديا بتقول هو احد الأنشطه الاعلاميه التى لا غنى عنها للأنشطه الاقتصاديه من صناعه وتجاره وخدمات وغيرها من الانشطه الاقتصاديه وكذلك بالنسبه للمؤسسات والجمعيات الخيريه الغير ربحيه والتى بدون الإعلان عن مجهوداتها فلن تحصل على الدعم المجتمعى والتمويل المادى اللازم لاستمرارها فى عمها وادائها لرسالتها
نفسر بقى العباره بتأنى
اول جزء بيتعرض لاهميه الاعلان للانشطه الاقتصاديه وان اى نشاط اقتصادى سواء كان صناعه ( مصنع سيراميك مثلا) او تجاره (شركه توزيع مواد غذائيه ) او خدمات ( شركات الاتصالات )
اى نشاط من دول بيحتاج الدعايه جدا جدا جدا بغض النظر عن جوده المنتج او الخدمه اللى بيأديها
تخيل مثلا مصنع سيرميك ( كمثال ) فتح باستثمارات كبيره وبعد ما انتج معملش اعلانات فى التليفزيون او الجرايد عن انتاجه هل تتخيلوا انه ممكن يبيع بلاطه واحده
نبص برضه لشركات الاتصالات بصفتها اكبر ناس بتعمل دعايه دلوقتى لنفسها
ليه شركات الاتصالات عندنا فى مصر بتصرف ملايين على الدعايه
ليه كل ما تدخل شارع وتبص على السنترالات اللى فيه تلاقى اليفط بتاعته عاملاها شركه من شركات الاتصالات ؟
ليه شركات الاتصالات محاصرانا بكميه اعلانات مهوله فى التليفزيون والجرايد وفى الشارع وفى المناسبات
الاجابه يا جماعه علشان كل شركه عاوزه عدد المشتركين اللى عندها يزيد وكمان استهلاك المشتركين بتوعها يزيد
نيجى برضه لجزئيه الجمعيات الخيريه وهى ان الجمعيات الخيريه من غير ان اعلان عن نفسها مش حتاخد اى دعم نهائى
تخيل كده مستشفى الاطفال اللى لسه فاتحينها لو مكانوش عملوا ليها دعايه هل كانت حتتفتح اساسا
الاجابه طبعا لأ
معلش يا جماعه انا باطول عليكوا شويه فى الاول بس علشان ادخل فكره الدعايه فى دماغكم صح لان فيه ناس كتيره اوى فاهماها غلط
نفك دماغنا بقى دلوقتى من الامثله الكبيره بتاعه الشركات والمصانع وشركات الاتصالات ونروح للأمثله الصغيره اللى موجوده فى شوارعنا
الجزار مثلا اللى فى منطقتك
هل انت متخيل ان الجزار ده بيعمل دعايه
طبعا بيعمل دعايه بس هل الدعايه اللى بيعملها بتكون اعلان فى التليفزيون او فى الجرايد
طبعا لا بس الدعايه بتاعته بتبقى فى النطاق بتاعه
ازاى
الدعايه بتاعته حتلاقيها من اول الاكياس اللى كاتب عليها اسم المحل ودى دعايه مهمه على فكره لان فيه ناس كتير مش بترمى الكياس
وحتلاقى الدعايه دى برضه قائمه الاسعار اللى حاططها بره
وكمان فى يافطه المحل وساعات فى اليفط الصغيره ( اسمها فوانيس ) اللى بتلاقيها على قمه الشارع
نروح برضه لمثال كمان حلو
الدكتور
من المعروف ان اى دكتور لما بيفتح عياده بيعتمد اكتر على مهارته علشان ده يجيبله الزباين
يعنى بيعمل دعايه بمهارته
بس مش بيعتمد على مهارته بس ليه
لانه لو كان بيعتمد على مهارته وخبراته بس مكانش كتب اسمه على الروشته اللى بيديهالك
ومكانش كتب اسمه على اليافطه بتاعه العياده
ومكانش عمل لنفسه كروت شخصيه
ومكانش عمل لنفسه اعلانات فى الشوارع
بالتالى يا جماعه
الفكره اللى عاوز اوصلهالكم
ان اى حد بيقوم بنشاط مهما كان النشاط ده صغير بيحتاج للدعايه جدا
عاوز اوصلكم فكره ان اى حاجه عليها اى اسم لاى محل او اى منتج دى عباره عن دعايه
مهما كان المحل ده صغير ومهما كان المنتج مش مهم ومهما كان اللى بيعمل الدعايه ده مشهور اساسا
قيس كل الكلام ده على كل محل بتشوفه فى الشارع
وكمان قيسه على عيادات الدكاتره ومكاتب المحامين وشركات الكمبيوتر
ومراكز التدريب والمعاهد واى حاجه فاتحه علشان تكسب فلوس
فهمنا كده بقى يعنى ايه اعلان
نروح بقى لانواع الاعلانات
انواع الاعلانات كتيره اوى يا جماعه ومتشعبه وقابله للتطوير فى اى وقت وممكن اى فكره بسيطه تبقى اعلان ويكسر الدنيا
وانواع الاعلانات هى:
1- الاعلانات المطبوعه : وهيا دى اللى بتهمنا فى الاساس وتشمل اعلانات الصحف والمجلات والدوريات والمنشورات والملصقات
2 - الاعلانات الخارجيه : وهى اعلانات الشوارع والمعارض والاعلانات اللى على العمارات وعلى الاتوبيسات
3 - الاعلانات المسموعه : وهى الاعلانات الاذاعيه
4 - الاعلانات المرئيه المسموعه : وهى اعلانات التليفزيون ودى المنتشره اكتر وكمان فيه اعلانات السينيمات
5 - الاعلانات على شبكه الانترنت : ودى مكنتش موجوده قبل كده وظهرت مع تطور عالم الانترنت وزياده اعداد المستخدمين
وعلى فكره حنعرف بعد كده ان اعلانات الانترنت مهمه جدا جدا
6 - الاعلانات على الموبايل: ودى برضه ظهرت بعد زياده مستخدمين الموبايل
دلوقتى يا جماعه انتوا كده اخدتوا فكره عن الاعلان وانواعه
نيجى بقى للجزء اللى يهمنا وهو عن الخدمات اللى بتقوم بيها مكاتب الدعايه والاعلان
وانا اقصد المكاتب العاديه مش الوكالات الكبيره لان دى شغلها كبير اوى وعلشان توصلها لازم تاخد الخبره العمليه فى المكاتب العاديه
مكاتب الدعايه والاعلان العاديه بتشتغل فى
الكروت الشخصيه
الورق المطبوع ( فلاير)
اليفط بانواعها ( البنر والفيلكس والفنيل)
الاكياس المطبوعه
النتائج والاجندات المطبوعه
الاوراق والسجلات التجاريه ( طباعه دفاتر وفواتير التجار والشركات وروشتات العيادات وفولدرات المحامين )
تصميم مواقع وصفحاب الويب ( وده مش كل المكاتب بتشتغل فيه)
دى يا جماعه الحاجات اللى بتشتغل فيها مكاتب الدعايه والاعلان علشان يبقى عندكم فكره وكمان ان شاء الله فى الدروس اللى جايه حناخد الحاجات دى
بالتفصيل الممل من اول فكرتها وكيفيه تصميمها بسهوله وفى اسرع وقت ولغايه طبعها
وملحوظه هامه جدا قبل ما انهى درس النهارده
اهم حاجه بتهم شركه الدعايه فى المصمم اللى شغال انه يكون سريع بمعنى انه لما يتطلب منك تصميم كارت شخصى المفروض
مياخدش منك اكتر من عشر دقايق او ربع ساعه بالكتير وفى نفس الوقت يكون التصميم كويس
وخلى بالكم ده شىء مش صعب ولا مستحيل لان الاستخدام التجارى للفوتوشوب غير الاستخدام الابداعى
بمعنى ان المكتب مش بيطلب منك تطلع ابداعاتك كلها فى التصميم كل اللى بيتطلب منك افكار وتصميم كويس وخلاص
علشان كده لما واحد فيكم يشتغل مع الوقت حيلاقى نفسه بيصمم بسرعه وهوه مغمض
انا عن نفسى اول ما بدأت اشتغل فى المجال ده كنت باصمم الكارت الواحد فى حوالى ساعه
دلوقتى الحمد لله فى خلال الساعه دى اقدر اصمم خمس كروت وممكن اكتر
ومعلش يا جماعه الموضوع دلوقتى كله نظرى بس زى ما قولتلكم ده تمهيد مهم جدا لابد منه وان شاء الله فى الدروس الجايه حتعرفوا اكتر اهميه الدرس ده
واشوفكم الدرس الجاى ان شاء الله
واللى عنده استفسار يقول وانا ان شاء الله حارد بسرعه على قد ما اقدر
والسلام عليكم

22 comments:

  1. fahad on 24 September 2008 at 15:24

    انا فهد من السعوديه
    وحاب مجال الدعايه والاعلان كثير
    ويشرفني ان اكون احد طلابك

    اذا ممكن هل لديك دراسه جدوئ اقتصاديه لوكاله دعايه واعلان
    ارسلها علئ الايميل
    fahd801@hotmail.com

    شاكر ومقدر تعاونك

     
  2. gege on 7 October 2008 at 05:19

    تمام ومفيد

    متابعة ...

     
  3. Anonymous on 12 October 2008 at 14:45

    الصراحو كلامك كله مفيد
    وياريت تفيدني لاني حابه افتح مشروع صغير للدعاية مو على كبير بس على كروت بروشور يفط كده فا عايزة اعرف ايه المطلوب عشان ابدا صح
    لكم جزيل الشكر

     
  4. Sherifer921 on 12 October 2008 at 14:55

    اهلا بيكى
    حضرتك بتقولى انك عاوزه تفتحى مشروع على صغير للدعايه
    كروت وبروشور ويفط
    برضه كده العمليه مش بسيطه
    انا اقدر افيدك جدا فى التصميمات بتاعتهم واعلمك تصممى ازاى
    واقدر افيدك جدا برضه فى كيفيه طباعتهم بكل سهوله
    بس لازم تجربى الحاجات دى كلها عملى بالذات الطباعه
    ولا ايه رأيك ؟

     
  5. dodo on 12 October 2008 at 15:00

    شكرا لردك
    بس انا عايزة افتح واجيب ناس مش عندي وقت اني اعمل حاجة
    فا ايه المطلوب عشان التجهيزات للمشروع انا عندي المكان وعايزة اتفق مع مطابع واجيب مهندسة فوتوشوب
    شكرا

     
  6. Sherifer921 on 12 October 2008 at 15:24

    برضه حضرتك العمليه مش سهله اوى للدرجه دى بالذات الطباعه
    يعنى التصميم واتحلت خلاص وجبتى مصممه فوتوشوب
    والمكان واتحل برضه وعندك المكان
    المشكله الكبيره اوى هيا الطباعه
    فيها حتضطرى تتعبى شويه
    المطابع التعامل معاها مش سهل زى ما حضرتك فاكره
    ولازم تروحيلهم وانتى فاهمه فى الشغلانه وكمان تكونى بتتعاملى معاهم من فتره علشان اى شغل ليكى يخلصوه اول شغل
    وغير كده فيه تجهيزات ما قبل وما بعد الطباعه والتجهيزات دى المطبعه مش بتقوم بيها كلها
    اتمنى اكون افدتك وانا مستنى ردك


    شكرا لردك
    بس انا عايزة افتح واجيب ناس مش عندي وقت اني اعمل حاجة
    فا ايه المطلوب عشان التجهيزات للمشروع انا عندي المكان وعايزة اتفق مع مطابع واجيب مهندسة فوتوشوب
    شكرا

     
  7. Anonymous on 13 October 2008 at 11:21

    شكرا لاهتمامك
    وممكن تفيدني بلمحة عن المهم في الموضوع وازاي اجهزله ولا اصرف نظر
    from
    dodo

     
  8. Sherifer921 on 13 October 2008 at 11:33

    بالنسبه لمشروعك
    شىء جميل ان الواحد يبقى عنده طموح ويفكر يحقق الطموح ده
    بس برضه الاستعجال مش كويس ولازم معرفه قويه بالشىء اللى حتقدمى عليه
    انا بانصح حضرتك تعرفى سكه الطباعه الاول
    يعنى لو عندك حتى واحد قريبك عنده مطبعه او يعرف صاحب مطبعه يبقى افضل بكتير
    وكمان لازم تعرفى مراحل تجهيز التصميم للطباعه ومراحل ما بعد الطباعه
    لو انتى مش مستعجله انا بانصحك تستنى كتابى الثانى الخاص بالطباعه والاسرار التجاريه لانه حيفيدك فى حالتك جدا لان فيه قسم خاص بانشاء مكاتب وشركات الدعايه
    لو مش مستعجله ومستعده تستنى يبقى برضه متضيعيش وقتك فى الانتظار وبس لكن تابعى معايا دايما واقتحمى كل ما يخص مجال الدعايه والاعلان علشان يبقى عندك معرفه شامله بالمجال كله علشان لما تفتحى حاجه خاصه بيكى تكونى بنيتى ده على اساس سليم
    انا مقدرش بصراحه انصحك انك تفتحى وتجربى لأن نسبه فشلك كبيره وانا عن نفسى جربت الاستعجال ده قبل كده من حوالى سنتين ونص واستعجلت وفتحت مكتب وكانت التجربه مش كويسه خالص ودلوقتى انا فاتح مكتب تانى والحمد لله فى تقدم مستمر وده بتوفيق ربنا اولا وثانيا علشان انا اتعلمت من الدرس الاولانى انى مش استعجل وافهم كل حاجه تخص المجال الاول قبل ما ادخل فيه
    الرزق من عند ربنا واحنا مش علينا غير الاخذ بالاسباب
    واى استفسار انا فى الخدمه

     
  9. Anonymous on 13 October 2008 at 13:20

    شكرا لنصايحك
    بس انا مش مستعجلة وبعدين كل حاجة بتيجي بالتعليم
    اصل انا فتحت مكتب كمبيوتر وكنت مش عارفه حاجة اوى وحجة بالتعليم وبقالى 4 سنوات الحمدلله بفضل الله ثم والدي الله يرحمه ودلوقتى بقيت مهندسة كمبيوتر شاطرة فاكيد كله فى الاول صعب وبعده سهل .
    dodo

     
  10. Sherifer921 on 13 October 2008 at 16:59

    طبعا كل حاجه بتيجى بالتعليم الفكره بس ان الواحد يكون على معرفه جيده بكل جوانب المجال اللى عاوز يدخل فيه قبل ما يدخل فيه علشان ميخسرش وقت وفلوس ومجهود حتى ولو ممكن ينجح قدام مع الوقت
    دروس الطباعه اللى حابقى احطها هنا حتنفعك جدا ان شاء الله وحتبقى على الاقل عارفه حتدخلى على المطبعه تقوليلهم ايه

     
  11. Anonymous on 15 October 2008 at 05:54

    شكراً
    وانا متابعة لدروسك .
    dodo

     
  12. Anonymous on 31 May 2010 at 14:41

    كلمة شكر لا تكفيك اللة لينا يخليك

     
  13. Anonymous on 28 April 2011 at 07:44

    السلام عليكم
    احيك على هذه المدونه بس عندى سؤال عشان ادرب نفسى واعرف كل جوانب المشروع يلزمنى وقت قد ايه عشان افهم الشغل
    وملحوظه انا خريجة نظم معلومات وبحب شغل الفوتو شوب

     
  14. Anonymous on 10 May 2013 at 19:22

    Only use your AC or Heater if it is absolutely
    necessary. This removes mold, dirt, fungi or other
    debris from entering the home. Programmable thermostats are just the latest wave of new technology
    in the HVAC field.

    Look into my page nest thermostat

     
  15. Anonymous on 13 May 2013 at 13:50

    Everything seems to have a slightly bluish tinge to it,
    most noticeable when you're looking at light grey areas. 5 hour battery life you aren't going to
    find anything that lasts longer on one charge and is still able to offer a full range of applications and net connectivity.
    Chromebooks, made their debut in 2011 with some
    good promise.

    Here is my website ... samsung chromebook

     
  16. Anonymous on 14 May 2013 at 02:34

    Section 1 - Choosing the Monochrome picture Control Section
    2 - Modifying the Monochrome Picture Control.

    On the other hand when you add a vertical grip and a
    second battery to selected camera design the cameras
    all of a sudden complete speedier. The SX40 is the type of camera
    that can fill any photographer's needs because of the features built into it.

    My website - canon 6d

     
  17. Anonymous on 14 May 2013 at 17:16

    The Black - Berry Tablets media player will not disappoint you as this premier media player and video creation are supported by
    Codecs. It consists of the 1GHz dual core processor with the RAM of 1GB, in order
    to operate most complicated and challenging applications. One of the first Black -
    Berry smartphones to feature Black - Berry OS 6, the Torch has been a breath of fresh air to the declining brand.


    Review my web blog ... playbook review

     
  18. Anonymous on 15 May 2013 at 03:05

    Impressive pages can now be created using interaction, animation and video streaming.
    1 tablet cannot handle DVD discs directly without DVD
    drive. You've got a dual core 1 GHz Tegra 2 processor, 1 GB of RAM, a 4 inch touch screen display with a resolution of 950 x 540 pixels and a 5 MP camera with 720p video capture.

    My weblog nexus 7 tablet

     
  19. Anonymous on 29 May 2013 at 06:40

    samsung galaxy s3 is the latest version of Android, a whopping 4.
    All the daily soap operas and movies can be seen on it with utmost perfection because it present videos with the frequency of 720p,
    having resolution power as 2048x1536 pixels. Speedy shutter response times and also
    rush shot modes even help produce pro-quality pictures.

     
  20. Anonymous on 29 May 2013 at 23:57

    If you'd like to indulge in some Hollywood style glamour, 3-D Glitz offers phone cases that are just right for you. The built-in web browser of Google TV separates it from media streaming devices like apple tv. The speed of our broadband lines also remains unknown for the perfect enjoyment of movies in our tests with an average of clogged lines playback was smooth but the start time of the film was not at all constant, reaching even to few minutes.

     
  21. Anonymous on 30 May 2013 at 01:40

    You can get the older digital Canon Rebel, with a lens, for a good price new.
    Of course, choosing a camera body doesn't lock you into only using lenses by that manufacturer, as there are several good third-party lens makers producing quality lenses for both Canon and Nikon cameras. The portal has been packaged with all these lenses and is an effort towards making it a single stop shop for photographers looking for Nikon camera lenses.

    Also visit my web page - nikon d7100

     
  22. ُEl Bshayer on 14 May 2015 at 04:31

    مكافحة حشرات بمكة

    شركة صقر البشاير لمكافحة حشرات بمكة, مكافحة حشرات بجدة, مكافحة حشرات بالطائف

    هي من الشركات الرائدة بالمملكة السعودية في مكافحة الحشرات ورش المبيدات للقضاء التام على كافة انواع الحشرات التي تسبب الكثير من الامراض, نقوم بمكافحة النمل الابيض, بق الفراش, الصراصير, الفئران, الخنافس, العته, ونقوم بالقضاء ايضاً على الزواحف السامة القاتلة مثل العقارب والثعابين

    اتصل بنا على 0500941566 - 012/5576261

    مكافحة حشرات بمكة
    مكافحة حشرات بجدة