ردى على احد الزوار الذى شرفنى بالدخول الى مدونتى المتواضعه

اليوم وعندما دخلت الى المدونه وجدت فى بوكس الشات تساؤلات من احد الزوار اسمحوا لى ان انقلها اليكم
اليكم نص كلامه باللون الازرق


بص يا جميل انا حابب بس اقول راى فى حاجه بالنسبه لموضوع كتابك ..دلوقتى انت جمعت خبرتك فى كتاب وعرضته للبيع وده مش عيب دلوقتى انت بتقول ازاى الناس ترضى على نفسها انهم بيحاولوا يسرقوا الكتاب
وازاى يرضوا انهم يسرقوا تعب اخوهم المسلم
طب يا غالى منت سرقت تعب بيل جيتس وبتستعمل نسخه ويندوز مضروبه
الحكمه ان العلم متى توفر ببلاش حتى لو كان مسروع مش هتقدر تمنع نفسك من انك تتعلمه لان فى ناس ممعهاش دولار من ال 25 دولار اللى انت عارض بيهم كتابك بعد التخفيض
وعلى فكره انا مش بغلطك انك بتبيع الكتاب ولا اى حاجه خالص بالعكس انا لو مكانك واى حد مكانك هيعمل كده لان فى الاول وفى الاخر كلنا بنتعب ونتعلم علشان نجيب فلوس
ان فقط اعتراضى على نقطه سرقة المجهود
بس عندى سؤال حابب اسئلهولك
لو واحد سرق كتابك ونزله فى منتدى وحمله واحد عايز يتعلم تفتكر اللى عايز يتعلم ده هيدعى لمؤلف الكتاب ولا هيدعى للى حط الكتاب على المنتدى ؟

اسمحلى ان اقوم بالرد عليك هنا

اولا انت افترضت فيا تلقائيا انى شغال على نسخه ويندوز مضروبة
وده غير صحيح لانى املك نسخه اكس بى هوم ايدشن اشترتها من ايام ما كانت ب الف جنيه
وطبعا فيه اللى احسن منها ومتاح على الانترنت مجانا بس محملتش حاجه منه والكلام ده من قبل ما افتح المكتب علشان متقولش انا جايبها بسبب المصنفات
ونفس الكلام بالنسبة لنسخه الفوتوشوب اللى شغال عليها اللى كلفتنى كتير اوى
ثانيا : بالنسبة لنقطه ان فيه ناس مش معايا الى 25 دولار او يعنى ال 125 جنيه
كل واحد لو بص لنفسه وافتكر هوه صرف فلوسه قبل كده فى ايه حيلاقى نفسه صرف اضعاف المبلغ ده فى اشياء تافهه
فيه ناس كتير عمرها ما تتأخر عن انها تدفع الف جنيه او الفين جنيه فى موبايل
لكن انها تدفع 125 جنيه فى كتاب يستفادوا بيه بيقولوا لأ ده كتير
ده غير برضه انى مش بتأخر عن حد وبقالى سنه بطرح دروس مجانا وعمرى ما طلبت من حد حاجه
وغير كده برضه اى حد بيسألنى عن شىء بجاوبه بكل بساطه ومش بقوله لأ ده سر وعامل مواضيع هنا باتحايل عليكم انكوا تسألوا لكن فى النهاية مش بالاقى اى استفسارات
يعنى انا برضه مش بتأخر عن حد
ثالثا : بالنسبة لسؤالك لو واحد سرق كتابى وحطه فى منتدى وواحد حمله وبتسأل اذا كان حيدعى ل اللى عمل الكتاب ولا اللى حطه فى المنتدى
طبيعى شخض زية مستنى كل حاجه ببلاش انه يدعى للى حط الكتاب
هل اى شخص فيكم يقبل ضياع مجهوده ؟؟؟
حتقولى احنا مسلمين ولا خير فى كاتم العلم والقابض على العلم كالقابض على جمره من النار
بس فين العلم اللى تم كتمه عن الناس ؟؟؟
انا لو عاوز اكتم علمى مكونتش طرحته على الناس اساسا سواء مجانى او مدفوع زى اللى حصل معايا لما كنت فى بداية طريقى فى مجال الدعاية والاعلان
ده غير ان اللى اعرفه ان مش حرام انك تدفع فى سبيل العلم والا حنقول ان شغل المدرسين والدكاترة فى المدارس والجامعات حرام لانهم بياخدوا فلوس على قيامهم بالتدريس
للاسف برضه لحد دلوقتى مفهوم الشراء من الانترنت عند العرب معدوم
لو حضرتك ليك اطلاع على المواقع الاجنبية حتلاقى ان الشراء من الانترنت عادى جدا وطبيعى
فيه استاذ كبير فى برنامج الافتر افيكت ليه موقع عالمى وبينزل كل شهر كورس فى البرنامج واقدر اقولك ان اقل كميه بتتباع من الكورس ده عشرين نسخه يوميا
ده رغم ان الكورس بيتم تسريبه لحظيا بعد تانى يوم من نزوله وحتلاقيه فى مواقع التورنت والمنتديات الاجنبية
لكن رغم كده فيه مبيعات كتير للكتاب لان الناس عاوزه تقدر صاحب المجهود على اللى بيقدمه ليهم
انا كان ممكن اعذرك على كلامك ده لو كانت الكهرباء اللى بيتهلكها الكمبيوتر باخدها ببلاش
او كان الاكل والشرب واللبس ببلاش
او لو كنت حصلت على اللى بقدمه ليكم ببلاش
ساعتها كان حيبقى عندك حق
لكن انا بدأت السلم من اوله فى المجال ده وخسرت كتير اوى فى البداية بسبب قله الخبرة وبسبب عدم رغبه الخبراء فى مساعدة حد ولو حتى بمقابل
يبقى بالتالى لما اقدم حاجه بسعر كويس جدا تخليك تجتاز مرحله الخسائر الاولية دى اعتقد ان من حقى احصل على مقابل لمجهودى
على الاقل اعتبره تقديرا ليا
مفيش حد بتاتا اتكلم عن مجال الدعاية والاعلان على الانترنت من قبل موضوعى الاول فى منتدى الدى فى دى
وروح هناك وشوف الردود وانت تعرف
يبقى بالتالى انا مش كاتم للعلم ولا قابض عليه زى ناس كتير فى المجال ياما كتموا علمهم عنى وعن غيرى واحنا فى بداية طريقنا وبسبب كده خسرنا مبالغ وخسرنا وقت وخسرنا مجهود
وشكرا على تشريفك للمدونه
والسلام عليكم

ادخل الى موقعى
http://adv-academy.com/2009/02/%D8%B1%D8%AF%D9%89-%D8%B9%D9%84%D9%89-%D8%A7%D8%AD%D8%AF-%D8%A7%D9%84%D8%B2%D9%88%D8%A7%D8%B1-%D8%A7%D9%84%D8%B0%D9%89-%D8%B4%D8%B1%D9%81%D9%86%D9%89-%D8%A8%D8%A7%D9%84%D8%AF%D8%AE%D9%88%D9%84-%D8%A7/

16 comments:

  1. websites directory on 22 March 2010 07:41

    مشكور على المدونة الجميلة :) و بالتوفيق دائما

     
  2. ابحث on 16 May 2010 01:50

    شكرا جزيلا على هذة المقالة الجميلة

     
  3. بحث الويب on 16 May 2010 04:40

    شكرا على مجهودك الرائع

     
  4. Adobo on 16 May 2010 16:17

    السلام عليكم
    أولاً مش ابتدى منين لكن احب اقولك قصة بسيطة انا بحب الفطير والبيتزا جداً وبخاف من أكل الشارع فحبيت أعمل العجينة فالبيت والمكونات الداخلية للبيتزا سهلة وبسيطة لكن المشكلة فى العجينة روحت مرة لمحل بيتزا جنب شغلى ولقيت ولد طيب شاب وشكلة من الأرياف وبيصلى فقلت لو سألتة مش هيبخل عليا وهيقولى العجينة بتتعمل إزاى وبالمناسبة ساعتها أنا كنت واقف أدامة وهو بيجهز العجينة فعلاً فسألتة وجاوبنى ورحت وعملتها فى البيت لكن بردة طلعت سيئة مع العلم أن دية المرة ال مليون اللى أسأل فيها وأقرأ كتب وأكيد كلة دة أكتسبت خبرة لكن بردة بتطلع مش حلوة أقولك اللى انا استفدتة من ان كلو واحد فينا ربنا ميزة بشىء علشان الشىء دة يكون سبب فى رزقة لأن لو كل واحد بيعرف يعمل كل حاجة ماكنش حد فينا أحتاج للتانى وثانياً اللى بيجى سهل بيروح سهل حتى العلم اللى انت بتعملة دة ضررة أكبر من نفعة يعنى الناس اللى هتدخل هنا عمرها ما هتعرف تعمل مكتب دعاية وإعلان لمجرد قراءة كلامك لأن لازم الخبرة اما الضرر انك قطعت عيش او تدخلت فى شىء قد يكون السبب فى قفل مكاتب شغالة فعلاً لأنك بتطلع أسرار المهنة اللى اتعلمناها بعد عذاب و مرمطة ومحدش عايز يعلمك ولا يقولك واللى يقولك يقولك غلط أنا شايف اللى هيستفادة الناس اللى بتخل هنا إنها تفاصل أكتر لما تيجى تعمل شغل دعاية أو حيروح للمطبعة رأساً فأنت كدة لغيت دور مكتب الدعايا وأعتقد أن أغلب الناس اللى هتدخل هنا أو هتقرأ الكلام دة هدفها انها تعمل الدعاية لشغلها الحقيقى بأقل التكاليف دة غير ان لوكل الناس عرفت البيتزا الحلوة بتتعمل ازاى محلات البيتزا هتقفل والبيوت المفتوحة من وراها بردة هتتخرب أرجوك راجع نفسك لأنك مش هينوبك إلا نكران الجميل وإستخسار الناس فى أى ماديات حتى لو كانت بسيطة زى ال 175 جنية فى كتاب أو مجهود أنت عملتة أو خبرة سنين ادتهالهم فى لحظة ياريت تمسح المواضيع دية وتخلى المواضيع لداعية لمكتبك انت وعرض لسابقة أعمالك لجلب مزيد من العملاء لأن الحياة مش ناقصة مكاتب دعاية وإعلان وفعلاً ان المكاتب بقت أكتر من العملاء زى محلات الموبايلات والخطوط وكروت الشحن كلة لقاها بتكسب كل المصريين تانى يوم فتحوا محلات محمول الله يباركلك كفاية كدة وأمسح المواضيع ومش عايزين نمشى كل مترين نلاقى مكتب دعاية احنا معندناش مهنة تانية نفهم فيها غير دية ارجوك متقعدناسش فى البيت علشان ناس فى الأخر عايزة تاخد الحاجة على الجاهز مع نكران للجميل واستخفاف بالمجهود والخبرة وأبو بلاش كتر منة غير كدة الحسد اللى هيبقة موجود على مكاتب الدعاية لحد متفلس وتقفل كل المصريين هيقولك شوف بيكسبوا كام الحرامية مع أنة مش صحيح 100 % اللى انت قلت عليها وانت فاهمنى كويس الله يباركلك كفااااااااااااااااااااااااية
    مع خالص الشكر والتقدير وأسف للإطالة

     
  5. sites like service on 28 September 2010 04:12

    شكراااااا لك .....مقالتك اكثر من رائعه

     
  6. جمعية كيان on 28 November 2010 04:13

    مدونه رائعه جدااا....شكرا لك

     
  7. jolet on 2 March 2011 13:20

    جزاك الله خيرا

     
  8. المحترفون للتدريب on 26 April 2011 03:05

    جزاك الله كل الخير يارب لك منى اطيب الامنيات

     
  9. Anonymous on 21 May 2011 04:53

    شكرا جدا يا استاز شريف ربنا يكرمك

     
  10. Anonymous on 27 June 2011 17:05

    سبحان الله و بحمده سبحان الله العظيم
    والله ان يجي حد في يوم و يشرح شغلة ممكن انه ياكل منها خبز او غيرة يمتهنها كمهنة شيء ما هو بساهل حتى لو كان بصورة مبسطة المفروض ان الي يكتب اي تعليق يكون في حدود الشكر او انه يحب ان يستفسر عن امر ممكن انه يستفيد منه لكن امثال 4 فأنا احب شاقول لك انك خاااارج عن النص تماااااما لو انك تعلمت الفونوشوب او انك تشتغل بيه يجب و تعرف ان الشغل صعب عليك حتى انك عرفت تتعلمه على الاقل لازم تقدر مجهود غيرك ((( والرزق على الله ))) لازم تعرف ان جميييييييييييع الزوار الي دخلوا المنتدى و في النهايه طلع واحد فقط منهم قدر انه يتعلم و يشتغل بالدعاية و الاعلان بس واحد على الاقل ... شوف مكانه الشخص الي كان السبب في تعليمه الشغل عند الله .. اذا انت انسان مؤمن بأن الله هو الرازق و هو النافع ما كان قلت كلامك احمد ربك انه في حد يعمل اقل من كذا يا عم

     
  11. برنامج شركاء النادى on 22 August 2011 06:11

    هل تريد ان تحقق دخل من مدونتك او موقعك؟
    هل تبحث عن فرصة عمل اضافى تزيد بها دخلك ؟
    انضم الي برنامج الشراكة الخاصة بنا
    اكسب المزيد من الاموال باستخدام موقعك/مدونتك
    برنامج شركاء النادى للزواج يسمح لك باستغلال موقعك او مدونتك اقصي استغلال ممكن وذلك عبر وضع روابط أعلانية خاصة بنا في موقعك وعند ضغط الزائرين عليها تجني لك تلك العملية البسيطة الكثير من الارباح اذا قام هذا الزائر بالتسجيل فى أحدى العضويات ( المميزة – في أي بي ) المتوفرة في موقعنا سيكون لك نسبة ربح أخرى مما دفعه هذا الزائر اى أن ربحك متوصل الي مالا نهاية.
    خطط الاربــاح
    اولا عند بدا التسجيل فى برنامج شركاء النادى تحصل على 25 دولار و توجد ثلاث خطط للربح
    الخطة الاولى " 30% من كل عملية شراء "
    خطة برنامج الشركاء 30% من عمليات الدفع الناجحه, وهي من افضل الخطط واكثرها استعمالا, حيث يتم خصم 30% من كل عملية دفع تتم عن طريق روابطك. بعد ضغط الزائر على الرابط (الذي قمت بنسخه من النظام) في موقعك/مدونتك او حتى مواضيعك/ ردودك في المنتديات.
    مثال :
    عدد الاشتراكات المدفوعه الاسبوعي من موقعك: 10 اشتراكات, سيكون معدل ربحك كالتالي:
    الاسبوعي: 120$
    الشهري: 480$

    الخطة الثانية " عمولة على كل تسجيل مفعل 0.05$ + 20% على كل عملية دفع "
    خطة برنامج الشركاء (0.05$ على كل تسجيل مفعل) , تمنحك 0.05$ على كل تسجيل قد تم تفعيله بواسطة البريد الالكتروني. يجب على الزائر التسجيل في موقع النادي للزواج, ومن ثم تفعيل اشتراكه من خلال رسالة التفعيل التي سترسل اليه حال التسجيل. عند تفعيل الاشتراك, يضاف لحسابك 0.05$.
    بعد ضغط الزائر على الرابط (الذي قمت بنسخه من النظام) في موقعك/مدونتك او حتى مواضيعك/ردودك في المنتدياتسيحول لرصيدك 0.05$.
    مثال :
    عدد المشتركين المفعلين اليومي من موقعك: 220 مشترك, سيكون ربحك كالتالي:
    اليومي: 11$
    الشهري: 330$
    الخطة الثالثة " على كل 1000 ظهور 0.1$ "
    يعطي برنامج الشركاء '0.1$ على كل 1000 ظهور', هي خطه مفضله لاصحاب المواقع التي عدد الزوار فيها مرتفع, فمن خلال وضع الرابط وضهوره 1000 مره, يحسب للشريك 0.1$.
    مثال :
    عدد الاشتراكات الظهور من موقعك: 120,000 ظهور, سيكون معدل ربحك كالتالي:
    اليومي: 12$
    الشهري: 360$
    خاصية ادعو صديق
    فمن خلال قيامك بدعوة شريك جديد للانضمام الينا وستربح 5% من مجمل ارباحه الشهرية فتخيل كم صديق يمكنك ان تدعو وكم من الارباح التي يمكنك ان تجنيها دون بذل اي جهد.
    طرق الدفع
    باي بال – كاش يو - ويسترن ينيون - شيك مصرفي, حواله بنكيه لكل الدول العربيه
    للاشتراك فى البرنامج http://aff.alnaddy.com
    لمزيد من المعلومات و التفاصيل affiliate@alnaddy.com

     
  12. zawaj-online on 11 January 2012 02:09

    السلام عليكم ورحمة الله وبركاته
    جزاكم الله خيرا على هذا الموضوع الجميل
    والله موضوع جميل ومشوق
    بارك الله فيكم ياشباب

     
  13. Entrümpelung on 2 September 2012 02:06

    موضوع ممتاز جدا شكرا لكم

     
  14. umzug on 24 February 2013 03:56

    Thanks to topic

     
  15. wohnungsräumung on 10 April 2013 05:15

    موضوع مميز جدا .. شكرا لكم
    wohnungsräumung wien
    wohnungsräumung wien

     
  16. esraa on 3 August 2014 13:42

    https://www.facebook.com/tota.wانا ده الاكونت بتاعى يارت لو تشرفنى باضافة الانى بجد حبة و محتاجة اتعليم ازاى اعمل دعاية اعلمية للباند
    شكرا