أكاديمية الدعاية والاعلان لدراسة كل فنون الدعاية والاعلان

شركات الدعاية والاعلان

من خلال متابعتى للزوار هنا لاحظت ان نسبه كبيره جدا مهتمه بانشاء

مكاتب وشركات دعاية واعلان

وعلشان مفيش حد يلتبس عليه الامر انا حاقولكم نبذه بسيطه وسهله الفهم

عن شركات الدعاية والاعلان

شركات الدعاية والاعلان

هى عباره عن شركات تقوم بتقديم جميع الخدمات الاعلانيه والدعائيه

اللازمه لاصحاب الانشطه الاقتصادية

والوظيفه الاساسيه لشركة الدعاية والاعلان هى القيام بجميع المطبوعات

وتجهيزها التجهيز الامثل ويشمل ذلك القيام باعمال التصميم ثم القيام

بجميع مراحل الطباعه وجميع مراحل ما بعد الطباعه وصولا الى الشكل

النهائى للمطبوعات

وكل مرحله من المراحل السابقه تعتبر علم مستقل بذاته سواء علم

التصميم او علم الطباعه وما بعد الطباعه وكذلك علم التسويق

وبما ان العميل لا يستطيع الالمام بكل هذه المراحل وكذلك المطبعه لا

تستطيع الالمام بجميع هذه المراحل وخاصه التصميم والتسويق فان

وظيفه شركه الدعاية والاعلان هى التنسيق بين جميع هذه المراحل فتبدأ

باعداد الحمله التسويقيه وترشيح افضل الاساليب الدعائيه للعميل ثم تدخل

فى حيز التصميم الدعائى المميز وتجهيزه للطباعه ثم ادخاله للطباعه وبعد

الانتهاء يتم القيام بجميع عمليات ما بعد الطباعه كالسلفنه مثلا وانتهاء

بالتكسير ( القص ) ثم يتم التسليم للعميل

وشركات الدعاية والاعلان تنخفض لديها نسبه المخاطره بدرجه كبيره

نظرا لانها تقوم بالعمل بناء على طلب العميل وليس بناء على انتاج كميه

مطبوعات ثم البحث عن سبل تسويقها بعد ذلك بما يشمل مخاطر عدم

تغطية نسبه المبيعات لنسبه الانتاج

وتعتمد شركات الدعاية والاعلان فى استمراريتها على وجود عدد من

العملاء الكبار لديها يطلبون كميات كبيره من المطبوعات والوسائل

الدعائيه فبالتالى تكون الشركة فى حاله عمل مستمر وبالتالى فى حاله

ربح مستمر

واذا كانت شركة الدعاية والاعلان جديده وليس لديها عملاء فانها تقوم

بتسويق نفسها بما يعرف باسم التسويق المباشر اى عن طريق مندوبين

عنها يقومون بترويج خدمات الشركة لدى العملاء المحتملين وهذه

الطريقه تعتمد فى المقام الاول على توفيق الله ثم على خبره المندوب

واسلوبه ثم على نظام الشركة نفسها وجوده مطبوعاتها

اليه عمل شركات الدعاية والاعلان ابسط من اليه عمل وكالات الدعاية

والاعلان حيث ان وكالات الدعاية والاعلان ميزانيتها كبيره جدا ويعمل

لديها فئات عديده من الموظفين فى حين ان شركة الدعاية والاعلان لا

تحتاج الى فئات عديده وانما كل ما تحتاج اليه وجود مصممين دعائيين

وشخص لديه خبره فى السوق وجلب العملاء ( التسويق ) وشخص لديه

خبره بأساليب ووسائل الطباعة وما بعد الطباعه

ومن الممكن اذا زاد نشاط شركة الدعاية والاعلان ان تتحول الى وكالة

دعاية واعلان

ان فتح شركة دعاية واعلان يستلزم عمل مستمر وجهد متواصل وتفكير

دائم والبحث عن كل ما هو جديد ومميز فى عالم الدعاية والاعلان حتى

تستطيع منافسه الشركات المماثله

كان هذا مقالى الاول عن شركات الدعاية والاعلان ولنعتبره اول مقال

فى سلسله مقالات ستكون متخصصه فى الحديث ودراسه هذه الشركات

وشكرا

ادخل الى موقعى

http://adv-academy.com/2008/10/%D8%B4%D8%B1%D9%83%D8%A7%D8%AA-%D8%A7%D9%84%D8%AF%D8%B9%D8%A7%D9%8A%D8%A9-%D9%88%D8%A7%D9%84%D8%A7%D8%B9%D9%84%D8%A7%D9%86/

Advertising Art

ده على فكره مش غلاف الكتاب

بس هل لاحظت الاسم ؟؟؟

الكتاب بياخد بأيد المصمم ورغم كده ليه مش اسمه فن التصميم مثلا او دليل المصمم الدعائى او حاجات زى كده ؟

انتوا عارفين انى عاوز اعمل كتابين عن الدعايه والاعلان

وقولت ان اول كتاب عن التصميم الدعائى وتانى كتاب عن الدعايه كنشاط تجارى تكسب منه

اذن انا غرضى من الكتابين مش مجرد ازاى اعلمك تصمم

لا انا عاوز اعلمك كمان ازاى تكسب من التصميم لأبعد الحدود

انا قولت قبل كده من اول موضوعى ما بدأ انى مش بشرح الفوتوشوب كبرنامج

لكن بشرح الفوتوشوب كأداه تستخدمها ازاى فى الدعاية

انا قولت برضه قبل كده ان تعليم الفوتوشوب سهل بل فى قمه السهوله

الانترنت مليان منتديات عامله دروس شرح للبرنامج كله بجميع اصداراته

وانت لو عاوز تتعلم منهم يبقى حتركز على الدروس اللى بتعلمك البرنامج بأدواته والاوامر اللى فيه وكل ده ووسيبك من الدروس التطبيقيه اللى تلاقى العنوان بتاعها مثلا اعمل شعاع ليزر او اكتب بحروف التلج والكلام ده كله ملهوش لازمه عندنا خالللللللللللللص

اسهل حاجه فى الفوتوشوب تعليمه لكن اصعب حاجه فيه هيا التطبيق

يعنى سهل جدا انك تتعلم جميع ادوات الفوتوشوب

لكن صعب جدا انك تكون لسه متعلم جميع الادوات وتصمم تصميم احترافى

انا بقى بشرح النقطه دى فى كتابى الاول

ازاى تعمل تصميم دعائى احترافى وانت لسه جديد فى الفوتوشوب او بقالك فتره كبيره بس كل تصميماتك اللى انت عملتها كانت للبيت مش شغل احترافى فى شركه

وده اللى بركز عليه فى كتابى الاول

والكتاب التانى حيكون عن الاسرار التجاريه وكيفيه القيام بعمليات الطباعه والتسويق وده انا بعتبره الكتاب الاخطر

انت كمصمم دعائى جديد بغض النظر عن فتره تعاملك مع البرنامج محتاج تاخد وقت كويس علشان تتعلم التصميم الدعائى

وكده قدامك طريقين

اول طريق : انك تنزل حالا وتشتغل فى مكتب دعايه ( دى سهله اوى على فكره حتى لو انت مبتدأ )

حقولك المميزات والسلبيات :

- المميزات :

1 – حتدخل المجال فعلا

2 – حتمارس التصميم الدعائى طول الوقت

3 – حتتعرف على الشغل اللى فى المجال

- السلبيات :

1 – المرتب بتاعك حيبقى ضعيف جدا فى الاول بسبب انك رايح الشركه وانت متعرفش ايه هوه التصميم التجارى وكل شغلك اللى فات كان فى البيت

2 – مستوى تصميماتك الدعائيه فى الاول حيكون ضعيف جدا طبعا زائد البطء الرهيب اللى حتبقى فيه واللى مينفعش مع طبيعه الحياه التجاريه لان فيه قاعده اقتصاديه هامه بتقول ان الحياه التجاريه = سرعه + ائتمان

3 – بالنسبه لو انت عاوز تقتحم مجال الشغل الحقيقى وهوه انك تعرف الطباعه ماشيه ازاى وازاى تقدر تنفذ مطبوعات للعميل على طول بدون الرجوع للشركه يبقى كده انت محتاج مجهود كبير جدا جدا جدا علشان تتعلم ازاى تعرف تطبع لوحدك وتتعامل مع الطباعه وتعرف اسرارها والتقنيات الصغيره اللى ممكن نقص واحده منها يخليك تخسر المطبوعات اللى بتطبعها كلها

الطريق التانى هوه الرجوع لكتابى وحتقدر تعمل الاتى :

1 حتتعلم التصميم التجارى والدعائى ايه المطلوب فيه وازاى تجيب الفكره وتبلورها فى صوره تصميم دعائى جذاب وكمان فى اقصر وقت ممكن والاجمل ان كل ده وانت لسه مبتدأ فى الفوتوشوب

2 حتعرف ازاى تروح تشتغل فى مكتب او شركه وتعمل تيست اللى بيحدد المرتب بتاعك

3 فى خلال شغلك فى مكتب الدعايه حكون قولتلك على انك ازاى تعرف دماغ العميل من مجرد انك تتكلم معاه لدقائق لان العملاء اذواق وكل عميل وليه ذوقه ولازم تعرف كل عميل ذوقه عامل ازاى قبل ما تصمم علشان مش بعد ما تتعب فى تصميم يطلع فى الاخر مش عاجب العميل

4 حتعرف ازاى تشتغل شغل اون لاين من بيتك من غير ما تروح تشتغل فى اى حته وبرضه تقدر تشتغل فى مكتب او شركه بجانب شغلك اللى على الانترنت

5 حتعرف ازاى تقوم بطباعه جميع انواع المطبوعات واسرار الطباعه وبالتالى يوم ما تقدر تقنع عميل انك تقوم بتنفيذ مطبوعاته حتقوم انت بنفسك بتنفيذها بجميع مراحلها بدايه من التصميم وصولا للتسليم وكل ده بدون ما تضطر للرجوع لشركه دعايه يعنى انت حتكسب من التصميم ومن الطباعه

6 حتعرف ازاى تسوق شغلك وازاى تجيب عملاء يطلبوا منك انك تطبعلهم احتياجتهم

7 بعد كل النقط دى انت تقدر تفتح مكتب خاص بيك لو عاوز طالما انت معاك التصميم ومعاك الطباعه ومعاك التسويق

خلاص كده انا قولتلك على الطريقين اللى قدامك وتقدر انت تختار

انت فى الكتاب ده بتاخد خبره 3 سنين فى مجال الدعايه

ال3 سنين دول بتاخد خبرتهم قبل حتى ما تبدأ تشتغل فى المجال

يعنى انت حتبدأ فى المجال بخبره 3 سنين مش بخبره واحد مبتدأ وبالتالى انا باضعك فى نقطه متقدمه جدا تقدر تبدأ منها وتنطلق بعد كده فى تكوين خبراتك الاضافيه الخاصه .

بالنسبه لتمن الكتاب : انا قولت ان مستحيل الكتابين دول يبقوا ببلاش ويا ريت تعذرونى يا جماعه لان انا حصرف على تحضيرهم وقت ومجهود وكمان فلوس وغير كده وكده فيهم اسرار تجاريه مستحيل تطلع ببلاش

لو نظرنا كويس لسعر الكتابين حنلاقيهم 100 $ يعنى 550 جنيه بالمصرى

من خلال شغلى فى الدعايه اقدر اقولك انك اقل عمليه طباعه الوان بتتعمل فى المجال ده بيبقى مكسبها مش اقل من 400 جنيه مصرى

وفيه اللى اسهل منها بس للشاطرين اوى وبيبقى مكسبها1700 جنيه مصرى

وفيه الشغل التجارى العادى اللى زى الدفاتر التجاريه لون واحد ودى مكسبها مش اقل من 50 جنيه بس تعتبر اسهل شغل بيجى ومطلوب كتير يعنى ممكن عمليه كل يوم

وفيه شغل الانترنت اقل مكسب فيه 10$ ده بجانب انك بتعمل كذا عمليه برضه فى يوم واحد بس

وفيه كمان لو انت درست الكتابين صح وقعدت شهرين تطبق كل اللى درسته تقدر بعد كده تشتغل فى اى مكتب دعايه بمرتب يبدأ من 800 جنيه او 1000 جنيه كبدأيه قابله للزياده كل 3 شهور

بالتالى ازاى يبقى 550 جنيه تمن الكتابين غالى ؟؟؟؟؟

وبرضه انا مش احب انى اتخلى عن الناس اللى عاوزه تتعلم ولسه مبتدأين وعاوزين يتعلموا وعلشان كده انا بقولهم كفايه تاخدوا اول كتاب بس فى المرحله اللى انتوا فيها دلوقتى

يعنى انت كمبتدأ وعاوز تتعلم وتشتغل فى شركه كفايه عليك دلوقتى الكتاب الاولانى بس وفيه حتتعلم التصميم الدعائى كله وازاى تعدى التيست بأعلى مرتب