ما رأيكم بكتاب شامل ؟

السلام عليكم ورحمه الله وبركاته

اخوانى وقرائى الاعزاء

انا النهارده جاى اخد رأيكم فى حاجه بقالى فتره بفكر فيها لحد ما بدات فى مرحله التنفيذ

الحاجه دى هيا عباره عن كتاب الكترونى شامل لكل اللى اى حد عاوز يعرفه عن الدعايه

الكتاب ده بيبدأ معاك من وانت مبتدأ خالص ولسه متعرفش ادنى فكره عن الدعايه

وبياخدك لحد ما تقدر تروح تقدم فى اى شركه وانت مطمن اووووووووووووووى

الكتاب الالكترونى ده حيكون فيه معلومات اكتر تفصيلا وتركيزا بكتير من المواضيع بتاعتى القديمه اللى انا كتبتها

لانى حقوم بالكتابه بتركيز اكبر وتفصيل اكتر واعطاء معلومات هامه وغير معلومه للكل

الكتاب ده حيكون مرجع شامل لاى حد لسه ميعرفش حاجه عن الدعايه

مش حيكون شرح للفوتوشوب

لأ

الفوتوشوب ده تقدر تتعلم ادواته واوامره فى خلال خمس ايام بالكتير من خلال المنتديات الكتيره اوى المنتشره فى الانترنت

يعنى بالتالى انت حتروح تتعلم الفوتوشوب الاول فى الخمس ايام دول

بعد كده يبدأ دور الكتاب

الكتاب حيعلمك ازاى تبدأ بتطبيق اللى انت اتعلمته

وازاى التطبيق ده يخرج فى شكل تصميم دعائى جيد

يعنى تقدر تقول ان اول جزء من الكتاب حيتكلم بالتفصيل عن ازاى تطبق كل اللى اتعلمته فى الفوتوشوب سواء كنت لسه متعلم الفوتوشوب او بقالك فتره متعلمه

يعنى ازاى تقدر تعمل تصميم دعائى من الاخر وتبقى مصمم دعائى جيد ان شاء الله

طبعا ده غير معلومات تانيه قيمه جدا عن اسلوب عمل مكاتب وشركات الدعايه وتفكير العملاء وازاى تعرف تتعامل مع اى عميل بمجرد انك تكلمه لمده دقيقتين بس وبعدها تعرف ازاى تعمله تصميم يعجبه اوى

وطبعا طرق الاشتغال فى شركات الدعايه وحتى كمان لو مش عاوز تشتغل عند حد وتبقى فرى لانسر يعنى تشتغل مع نفسك من بيتكم حعملك ازاى تعمل منها فلوس كويسه ان شاء الله

كل ده فى الكتاب الالكترونى ده

وعلى فكره

الكتاب الاليكترونى ده عباره عن كتابين

اول كتاب هوه عباره عن ازاى تعمل تصميم دعائى جيد جدااااااااااااا وحاخدك فيه من الصفر لحد الاحتراف ان شاء الله ايا كان مستواك سواء كنت مبتدأ فوتوشوب او محترف فوتوشوب وعمرك ما اشتغلت فى شركه وعاوز تشتغل بس ناقصك مهارات هامه فى التصميم التجارى

يعنى من الاخر حاخليك واثق من نفسك ومهاراتك وانت بتصمم ان شاء الله

يعنى تعرف ازاى تعمل تصميم كارت شخصى فى خلال عشر دقايق بالكتير

وازاى تعرف تعمل تصميم يافطه وتصميم بروشور مميز

وكمان حاعلمك الاصعب وهوه ازاى تعمل لوجو ويكون مميز مش اى كلام

وزى ما قولت

انا حعلمك كل ده ايا كان مستواك

سواء لسه متعرفش ايه هوه الفوتوشوب او بقالك عشرين سنه على الفوتوشوب بس عمرك ما اشتغلت فى شركه

تانى كتاب بقى هوه مكمل للكتاب الاولانى

يعنى حاعلمك ازاى بقى تقدر تشتغل بالمهارات اللى انت اتعلمتها فى الكتاب الاولانى

سواء كنت عاوز تشتغل فى شركه دعايه او مكتب دعايه او تشتغل وتسوق وتطبع مع نفسك او تشتغل وانت فى البيت او عاوز تفتح شركه خاصه بيك

حاوريك بكل تفصيل المراحل اللى بتعدى على تصميمك لحد ما يبقى مطبوع فى ايدك

ودى اسرار تجاريه هامه جدا جدا جدا ومش اى حد يعرفها

واللى عاوزيعرفها بيقعد سنه او سنتين يلف فى السوق جامد علشان يتعلم كل ده

وحعلمك ازاى تسوق نفسك وتجيب شغل وتطبعه انت بنفسك وبالتالى تكسب من فلوس التصميم وكمان فلوس الطباعه

يعنى كأنك شركه

بتجيب العميل

وبعد كده بتصممله ودى عليها فلوس

وبعد كده بتطبعله انت بنفسك يعنى بتقوم بكل المراحل بتاعه ما قبل الطباعه والطباعه وما بعد الطباعه لحد التسليم ودى اللى فيها فلوس اكتر

يعنى من الاخر مكسبك حيكون 100% من اى مطبوعات مطلوبه منك

حتاخد فلوس من التصميم اللى انت عملته ومن الطباعه اللى انت قومت بيها وكل ده وانت لا فاتح شركه ولا حاجه

وبرضه الاسرار دى مهمه جدا ليك لو انت معاك راس مال صغير وعاوز تفتح مكتب خاص بيك

وكمان الاسرار دى حتفيدك جدا حتى لو انت اشتغلت فى شركه لانك حتكون على علم ب اللى بيحصل للتصميم بعد ما تخصله وبالتالى حتبقى انت مميز عن غيرك من المصممين اللى معاك فى الشركه وبالتالى صاحب الشركه حيديك انت مهمات تجهيز الشغل للطباعه ودى عليها فلوس كمان

وبرضه لو انت مش عاوز كل ده وعاوز تشتغل مع نفسك فى البيت انا عندى الطرق الفعاله ليك واللى تقدر تعمل منها فلوس كويسه وانت فى البيت

يعنى دلوقتى انا فى الكتاب التانى حاديلك كل المعلومات اللى تقدر تجيب منها فلوس من التصميم

يعنى تقدر تشتغل فى كذا حاجه فى التصميم

اول حاجه تقدر تشتغل فى شركه وترقى نفسك فيها دايما

وفى نفس الوقت تقدر تعمل شغل مع نفسك من بره الشركه وتطبعه انت وتاخد فلوسه كامله

وفى نفس الوقت تقدر برضه تعمل شغل وانت فى البيت وتكسب منه حلو

كل ده فى وقت واحد

يعنى حيبقى ليك على الاقل تلت مصادر رزق من التصميم بسسسسسسسسس

يعنى كتابين تاخدهم من هنا وتقعد عليهم شهر وتذاكرهم كويس اوى وبعد كده انطلق بكل ثقه فى مجال الدعايه كأنك صاحب خبره خمس سنين

طبعا الكلام ده كله مش حيبقى مجانى للاسف

ليييييييييييه

سؤال وجيه جدا

حقولك ليه

لكذا سبب

اولا : المجهود الكبير اوى اللى حعمله وانا بكتب الكتابين دول

يعنى تخيل كتابين عن تطبيق الفوتوشوب فى الدعايه وعن طرق الكسب من تصميك بكل التفصيلات حيكون المجهود عامل ازاى
بالذات انى حاكتب الكتابين وانا حاسس بالمسئوليه الكبيره تجاه كل اللى حيشتريهم لانى عاوز اللى يشترى يستفيد جدا جدا جدا فبالتالى لازم اعصر دماغى واجيب كل المعلومات الممكنه وكل النقط الصغيره اللى بتفرق كتير وكل الصور اللازمه

ثانيا : لانى حاديك اسرار تجاريه وحط تحت كلمه اسرار دى مليون خط لان الحاجات دى عمر ما حد حيعلمهالك خالص ولازم علشان تتعلمها تنزل السوق وتجرب وتلبس شغل وتدفع فلوسه من جيبك وحتحصل معاك كذا مره علشان تتعلم فى حين انا حاديلك كل المعلومات دى يعنى حاوفر عليك انك تخسر شغل كتير علشان تتعلم وحاوفر عليك اللف فى السوق وحتبقى نقطه الانطلاق بتاعك متقدمه جدا فى حين انك بدأت من وقت صغير جدا

ثالثا : انك تقدر بعد ما تقرأ الكتابين دول انك تشتغل كويس جدا مع نفسك لو عاوز وتقدر تجيب تمن الكتابين من نص مكسب شغلانه واحده كويسه بدون مبالغه

رابعا : علشان انا فى الكتب دى حاجيبلك ناس متخصصه فى التصميم الدعائى واصحاب شركات حيكتبولك خبراتهم

لازم تعرف ان الكتابين دول مش طريقه لاستغلالك فى الكسب عن طريقك

انا يهمنى نجاحك انت اكتر ما يهمنى انى اكسب منك

لانك بكل بساطه تعتبر فى وشى

يعنى لو نجحت يبقى ده نجاح ليا

فبالتالى يهمنى جدا انك تنجح فى المجال ده وتيجى على الماسنجر تقولى انك شغال فى كذا وكذا وكذا دلوقتى وانك بتكسب فى الشهر مش اقل من 1000 جنيه كبدايه بس

حتقولولى طب ما انت بتكسب كويس فى الدعايه وليك شركتك ومش محتاج انك تكسب مننا بعد كل ده

حقولكم بكل بساطه ان الكتابين دول عباره عن اسرار والاسرار دى
مستحيل تتباع من غير مقابل ده غير انك لما تدفع مقابل يعنى كده ده تقدير منك للاسرار والمجهود اللى اتعمل

ده غير انك لما تشترى منى الكتابين حاعرف بالظبط مين اللى اشتراهم يعنى بالتالى حاقدر اتابعك كويس جدا لان عدد اللى حيشترى حيبقى فى النهايه محدود بالطبع

يعنى حيكون مش اكتر من خمسين شخص فى احسن الاحوال

يبقى بالتالى حقدر اتابعك كويس جدا لانى عارف ان معاك كتابى وانك مهتم وبتذاكر الكتاب حاليا

سعر كل كتاب مش حيقل عن خمسين دولار فى اغلب الاحوال

يهمنى اوى اعرف رأيكم بس يا ريت يكون رأى موضوعى مش مجرد هجوم وخلاص

اللى فى اخر الموضوع
Comment تقدر تقول رأيك عن طريق انك تضغط
وبعد كده حتلاقى مربع كبير على اليمين تقدر تكتب فيها الكومينت اللى انت عاوزه وفى الاخر تختار
Publish your Comment
واى زائر عادى يقدر يعمل كومينت يعنى مش شرط تكون مسجل فى ياهو او جوجل او بلوجر علشان تعمل كومينت
الكومينت هنا مفتوح لأى زائر
تقدر تضغط هنـــــــــــــــا علشان تكتب كومينت
مستنى رأيكم
وشكرا




تعالى نشوف تطبيقاتك

بواسطة Sherifer921 | 07:05 في | comments (3)

تعالى نشوف تطبيقاتك

السلام عليكم ورحمه الله وبركاته


اخواتى الاعزاء المتابعين معايا
طول الفتره اللى فاتت كانت كلها دروس دروس وبس وقليل جدا تطبيقاتأ النهارده عاوزين نشوف تطبيقات بقى
نتكلم شويه عن اهميه التطبيقات
دلوقتى انت واحد او واحده بتتعلم تصميم تجارى بالتالى انت مش معقول حتقعد تتعلم كل يوم من غير ما تبدا تنفذ ولو اى حاجه بسيطه فى الاول تعرف بيها انت وصلت لحد فين فى الموضوع
ودى اهميه التطبيق
انك تعرف مستواك حاليا عامل ازاى وبالتالى تقدر تقيم نفسك اذا كنت طول الفتره اللى فاتت بتتعلم صح وبتركيز او كنت مشتت او كنت مش مهتم او او او ...... وهكذا
فيه ناس كتير للاسف بتتكسف تعرض تصميماتها
علشان بيقولوا انهم لسه فى الاول ومحرجين يعرضوا تصميماتهم
انا بقولكم اوعى تكون محرج تعرض تصميماتك وانت فى الاول
هنا كل الناس جايه تتعلم وتتعلم وتتعلم علشان تقدر تشتغل فى شغلانه مركز الادبى عالى مش جايين يلعبوا ويهزورا ويتريقوا على تصميمات بعض
يعنى طالما انت فى الاول يبقى انا مش متوقع منك تصميم خرافى يا معلم بس عاوز اعرف انك اتقنت دروسى لاى درجه علشان اديك مجموعه ملاحظات تقدر تستفيد بيها قدام ومع الوقت والتطبيق اقدر اقولك انزل روح قدم فى اى شركه دعايه واعلان
يا جماعه الهدف من الموضوع ده انى اقدر احطهم على الطريق الصح للبدء فى الشغل فى اى شركه دعايه
عاوز اشوفكم كلكم بقيتوا شغالين فى شركات ومكاتب وليكوا اعمال بتتطبع كل يوم
يا ريت تساعدونى على كده
تساعدنى ازاى
هوه انك تورينى تطبيقك
مهما كنت انت شايف مستوى التطبيق ده
مهماااااااااااااا كااااااااااااااااان
هاته وانا حقولك ايه مميزاته وايه عيوبه
انت مش حتفضل مخبى تطبيقاتك طول عمرك
لازم فى يوم من الايام تبدأ عمليه عرض التصميمات
واحتمال كبير اوى يوم ما تبدأ عرض تصميمات حيكون على اصحابك اللى بالتالى حتسمع منهم التريقه
لكن لما تعرض تصميماتك على واحد زيى عايز يعلمك حتستفاد اكيد ان شاء الله
مستنى اشوف تطبيقاتكم وانا متابع معاكم هنا اول بأول سيب تطبيقك وانت شاء الله فى خلال ساعات معدوده ( ده ان مكانش فى خلال ساعه ساعتين ) حقوم بتقييم تصمميك واقولك نقاط القوه والضعف فيه علشان تستفاد وتتعلم وتتلافى اخطاءك فى المرات اللى بعديها بالتوفيق للجميع ان شاء الله

شريف عبد الهادى
مدير اكاديميه الدعايه والاعلان

الدعاية والاعلان من وجهه نظر مصمم

السلام عليكم ورحمة الله وبركاته
بسم الله الرحمن الرحيم


بادىء ذي بدء احب ان اشير الى ماهية التصميم الدعائي والاعلاني
التصميم الاعلانى ماهو الا فكرة غير متكلفة يصنعها المصمم فتلفت نظر كل من يراها سواءا كانت الفكرة هذه صورة أو كتابة او رسمه او شعار او غيره ... كنت اعتقد قديما أن من يتقن اكبر عدد من البرامج قادرا على ان يصنع الفكرة الإعلانية القوية بسهولة ولكن حين سنحت لى الفرصة للعمل في احدى شركات الدعاية وجدت الامر مختلف دخلت الشركة وعلى عاتقى اكثر من 40 برنامج يخدم منظومة العمل الدعائي من اقواهم لادناهم ابتدائا بالماكس مرورا بالفوتوشوب بالكورل بالاتوكاد بالاسكتش اب ...الخ ووجدت مصمما هناك يسمونه شيخ المصممين لايتقن الا الفوتوشوب فقط !!! ووجدت غالبية العملاء لايثقون ولا يحبون العمل الا مع ذلك المصمم ومع مرور الايام ومتابعة المصممين على مدى سنتين كاملتين كنت في نهايتهما مشرفا للتصميم وجدت الاتي: خلى بالكوا بقى الكلام اللى جاي ده احسن من الدش اللى فوق وده اللى طلعت بيه من العمل كمصمم الى حد ما كنت بمشي اموري شروط التصميم الدعائي من وجهة نظري البحته:
1 - العمل المبدئي على ايجاد فكرة جذابة داخل العمل النهائي وهي كالتالى : - جملة تجذب النظر ولابد ان تكون غريبة او غير مألوفة الى حد ما لكى تحفظ اول ماتسمع ( نحن الوحيدون ولكننا الافضل برضه.......نتحدى الاسعار وهجوم التتار ....قوى عصر وابداع ماضى وربنا يستر على المستقبل......مش كده بالضبط يعنى بس المهم جمل تلفت نظر قارئها اكيد مفهوم. للجودة اسرار مثل تصميمي القادم






- الشعار الجذاب وهو يكون كخط جميل مثل شعار الجزيرة او رسمه قوية مثل شعار
BMW المهم شعار غير مألوف











تكبير الهدف الاساسي من الاعلان وهو اسم الشركة المعلنة او تصغيره جدا كما في الامثلة الاتية













3 - ايجاد روح واحدة للعمل ، بلغة الصنعة
يبقى الاعلان مية واحدة من الوان وصور ، وعدم خلط فونتات ، كبير الاعلان فونتين او تلاتة بالكتير قوي وعلى شرط ان يكون فونت واحد هو الرئيسي والمكتوب به 90% من الاعلان













4 - ليس شرطا ان يكون الاعلان متكلفا - به عناصر كثيره - لكي يصبح ناجحا ولا شرطا ايضا ان يكون بسيطا ليصبح جميلا وجذابا


























وفي سوق الدعاية اللي بيختار مدرسة من الاتنين وبيمشي عليها بيحوز باعجاب بعض العملاء والتانيين بتكرهه
5- وضوح الاعلان والغرض منه او العكس تماما فالاتنين يؤديان الى نفس الغرض وهو قوة الاعلان

ويعارضنى في ذلك البعض - فاوضح ان بعض الشركات او المؤسسات الجديدة عندما تريد تصميم الحملة الدعائية لها تريد ان تشرح باستفاضة عن منتجاتها فيزدحم الاعلان فلا ينظر اليه احد وبعضهم يترك الاعلان نظيفا .....كما كان قبل ذلك في اعلان على طريق مصر اسماعيلية الصحراوي لشركة تكييف وكتبت على يافطة ابعادها 35 متر * 10 متر ولكم ان تتخيلوا ماذا يمكن الكتابة عليها ، كتبوا بها ( ممكن ومش ممكن) وتحت اليافطة شمال كتبوا اسم الشركة بابعاد 50سم *25 سم.... فهل يعقل والناس ماشية على 100 كيلو هايقرا اسم الشركة ولا ممكن ومش ممكن وولا حته صورة موضوعة وتكلفة الاعلان مية الف جنيه بالتمام والكمال.....!!!! الموضوع له بقية

الموضوع من كتابه الاخ archooo المشرف باحد المنتديات العربيه ومصرى مصمم باحد الشركات السعوديه وذو خبره كبيره بالتصميم الدعائى


انواع الطباعه فى شركات الدعايه والاعلان

السلام عليكم ورحمه الله وبركاته


انواع الطباعه فى شركات الدعايه


والاعلان


لاحظت فى الفتره الاخيره اهتمام كبير جدا من ناس كتير باليفط الاعلانيه وعلشان كده انا عملت الموضوع ده علشان احاول انى ابسط لهم الموضوع على قد ما اقدر

والموضوع ده عباره عن تجميعه لدروس عن اليفط الاعلانيه موجوده على الانترنت وانا قمت بتجميعهم وبالاضافه اليهم علشان اخرج لكم موضوع متميز ان شاء الله مع العلم انى برضه باجهز دروس تانيه عن باقى انواع الطباعه زى الطباعه الان دور وفصل الالوان والسلك سكرين

فيه عده انواع من الطباعه لازم المصمم الدعائى يكون عارفهم لان دول هما اللى كل شغله حيطبع بطريقه منهم والنوع اللى حنتكلم عنه النهارده هوه الطباعه الاوت دور

طباعه خارجيه ( ( out door اوت دور


وهى احدث طباعه فى المجال ده وأهم خصائها هى :

- جوده الطباعه بها حتى 150 بكسل/انش ( المكن اللى موجود فى مصر اخره يطلع 72 بكسل / انش بجوده عاليه لكن لو اعلى من كده متضمنش حتبقى الطباعه عامله ازاى )

- طباعه زيتيه بالوان CMYK

- تطبع ابعاد كبيره جدا تصل ل 10 متر عرض فى 100 متر طول ( المكن اللى موجود فى مصر حاليا اخره سبعه متر عرض )

- تتحمل العوامل الجويه من شمس ورطوبه وغيرها

- الماكينات مثل : فيوتك ( امريكية الصنع افضلهم في غالبية الخصائص ) ...صالصا ( اسرائيلى وللأسف تعادل الفيوتك في جودتها ....ووللأسف الاكبر تتواجد عند بعض الشركات في مصر ولبنان )...(رولاند (المانية الصنع.. افضلهم في جودة الطباعة ...و دي جي آي ( كوري واكثرهم انتشارا في السوق المصرية وافضلهم في قوة التحمل والعمر الطويل )

- وهناك ماكينات صينية ضعيفة الجودة زهيدة السعر مثل انفنتي ....واتش بي للاوت دوور

نتكلم بقى عن الخامات :

الخامات فى الاوت دور بتبقى كالاتى :

- الفلكس : مادة بيضاء تميل الى الزرقة ...لدنة مصنوعة من المطاط وبعض المنتجات البترولية وتكون مدعمة بداخلها بنوعيات من المعادن على هيئة خيوط
يعتبر الفلكس من اقوى وامتن خامات الطباعة حتى وقتنا الحالى ....ويتميز بالتالي
:
مقاومته للشد والضغط - مقاومته للعوامل الجوية في
كل الظروف - نصاعة بياضه - نفاذيته للاضاءة بجميع انواعها ( والنقطه دى مهمه جدا انكم تعرفوها لان لو اتطلب منك تصميم يافطه وحتتركب فى شاسيه ووراها اضاءه يبقى لازم الخامه تكون فلكس - امكانية تثبيته بالمسامير

- البانر : مادة بيضاء .....توصيفاتها مثل الفلكس تماما ......عدا انها تقل عنه في التالي
عدم مقاومته للعوامل الجوية زى الفلكس
مش زاهى زى الوان الفلكس – مينفعش نهائى الضوء يعدى منه ( علشان كده لو اتطلب منك تصميم يافطه ومش حتبقى الاضاءه من وراها يبقى تطبع على خامه بنر )

- الفينيل : مادة لاصقة مختلفة الألوان .....ولكن مش زى الاستيكر حيث قوة لصق الفينيل اعلى قوة تجدها في لصق بلاستيكي حيث انها عندما تلصق على صاج او معدن لا تفك الا بالبلاور ( الحارق الناري ) وللفينيل عدة استخدامات في مجال الاعلانات غير الطباعة....فمن الممكن ان يصمم تصميمات واير بواسطة الكورل او الاليستراتور ويصدر التصميم الى ماكينات الكاتر بلوتر "cutter ploter " فتقطعها الى كلمات واشكال تلصق على الفليكس والبانر مثال على ذلك اعلانات شركات موبينيل وفودافون والاتصالات وغيرها من شركات المحمول

ده كان درس النهارده عن الطباعه الاوت دور

وبرضه خلى بالكم من نقطه نفاذ الضوء

لو اتطلب منك تصميم ليافطه واليافطه دى مش حيبقى تحتيها لمبات مثلا يبقى تطبعها بانر والعكس لو حيبقى تحتها لمبات يبقى تطبعها فيلكس

والتصميم دايما يكون بريزليوشن 72 على الفوتوشوب

واستنوا كمان الدروس الجايه حتكون عن الطباعه الان دور وفصل الالوان وطباعه السلك السكرين

واى استفسار اتفضوا قولوه وانا حاجاوب فى اسرع وقت ممكن ان شاء الله

وبالتوفيق للجميع

وشكرا

شريف عبد الهادى

مدير اكاديميه الدعايه والاعلان