السلام عليكم ورحمه الله وبركاته
اخوانى الاعزاء
طبعا كلكم عارفين انى خلاص قربت اطرح كتابى الجديد
وطبعا الكتاب ده موجه ليكم
وعلشان كده انا عاوز اشارككم معايا فى الكتاب
ازاى
حقولكم ازاى
دلوقتى انا بعمل كتاب الكترونى عن التصميم الدعائى ليه ؟
أكيد طبعا علشان يساعد كل واحد مبتدأ فى المجال وعاوز يمشى صح وبخطوات مدروسه
فبالتالى انا بشرحلك فى الكتاب الخطوات المدروسه دى اللى تمشى عليها
والغرض من كل ده هو الارتقاء بمستواك الى درجه الاحتراف علشان تقدر تشتغل شغله مرموقه فى مجال الدعايه
وانا سبق لى هنا انى عرضت عليكم الفهرس
بس أكيد كل واحد فيكم ليه احتياجات معينه زياده وعاوز يلاقيها فى الكتاب
علشان كده انا عاوز اسمع اقتراحتكم الاول
يعنى كل واحد يقول هو متوقع ايه من الكتاب
وايه يتمنى انه يكون فى الكتاب
وكمان لو عنده طلب زياده عن ما تم بيانه فى الفهرس انا مستعد اكتبه فى الكتاب برضه
يعنى من الاخر احنا حنقوم بمساعده بعض
انت تساعدنى انى اعرف انت محتاج ايه
وانا اساعدك بأنى اعطيك اللى انت عاوزه بالظبط
لأن أنا يهمنى قبل أى شىء هو انك تستفاد من الكتاب لأقصى درجه
مستنى اقتراحتكم
لاضافه اقتراحك فى هذا الموضوع انقر هنـــــا
او اضغط على كلمه
التى فى اسفل الموضوعcomments
وكمان فيه شات بوكس على يمين المدونه تقدر تكتب فيه كل اللى انت عاوزه بسهوله
وفيه شرح لامكانيات المدونه بالصور اضغط هنـــا علشان تشوفه
بكررها تانى
مستنى اقتراحتكم بخصوص الكتاب
كل واحد يقول نفسه الكتاب يبقى فيه ايه كمان
وايه اللى عاوز الكتاب يركز عليه
وبالتوفيق للجميع ان شاء الله
Post a Comment